Friday 21 December 2012

ငြိမ်းချမ်းရေးအတွက် ယုံကြည်မှု တည်ဆောက်ခြင်း


         ယုံကြည်မှု တည်ဆောက်ခြင်းနဲ့ ပတ်သက်ပြီး ပညာရှင်အသီးသီးက ဆိုထားတာတွေ အများကြီးရှိပါတယ်။ ကျွန်တော်တို့ကတော့  ရှမ်းပြည်နယ်/ရှမ်းလူမျိုးတွေ လက်တွေ့ ကြုံတွေ့နေရတဲ့ အဖြစ်အပျက်/အခြေအနေတွေအပေါ်မှာ သုံးသပ်ပြီး နိုင်ငံရေးရှုထောင့်ကနေ တင်ပြသွားမှာ ဖြစ်ပါတယ်။
 
          ကျွန်တော်တို့ ရှမ်းပြည်နယ်အပါအ၀င် ဒီနေ့ပြည်နယ်တွေရဲ့ အခြေအနေကို ကြည့်လိုက်ရင် အများစုက အေးချမ်းသာယာမှု ကင်းမဲ့ နေတာကို တွေ့ရပါလိမ့်မယ်။ ဒါဘာကြောင့် ဖြစ်နေရတာလဲ။ ဘာကြောင့် ယမ်းခိုးတဝေေ၀ ဖြစ်နေရ တာလဲ။ သာယာလှပတဲ့ တောင်းတန်းတွေမှာ ပန်းရနံ့တွေ ဝေနေရမယ့်အစား ယမ်းနံ့တွေ ဝေနေရတာ ဘာကြောင့်ပါလဲ။ အဲဒီ ဒေသခံလူမျိုးတွေ အတိဒုက္ခရောက်နေကြတာ ဆယ်စုနှစ်ပေါင်းချီပြီး အတော်ကို ကြာခဲ့ပါပြီ။ ကြေကွဲဝမ်းနည်းစရာ အဖြစ်အပျက်အမြောက်အမြားကို ရင်ဆိုင်ခဲ့ကြရတယ်။ ရင်ဆိုင်နေရဆဲလည်း ဖြစ်ပါတယ်။ ဒီအခြေအနေဆိုးကြီးကို ဘာကြောင့် မဖယ်ရှားနိုင်သေးတာလဲ။ အေးချမ်းသာယာမှုကို ဘာကြောင့် မတည်ဆောက်နိုင်ကြတာလဲ။ မေးခွန်းတွေ ရှိပါတယ်။ အဖြေတွေ အများကြီးထဲက တစ်ခုကတော့ ယုံကြည်မှု မရှိတာ၊ ယုံကြည်မှု မတည်ဆောက်နိုင်တာပါလို့ ပြောနိုင်ပါတယ်။

          ပြည်ထောင်စုကြီးကို တည်ဆောက်တယ်ဆိုတာ ယုံကြည်မှုနဲ့ တည်ဆောက်ရတာ ဖြစ်ပါတယ်။ ယုံကြည်မှု မရှိဘဲနဲ့ ပြည်ထောင်စုလည်း မဖြစ်နိုင်သလို ငြိမ်းချမ်းရေးလဲ တည်ဆောက်လို့ မရပါဘူး။ တစ်ယောက်နဲ့ တစ်ယောက် မယုံမကြည် ဖြစ်နေမှတော့ ဘယ်လိုလုပ်ပြီး စစ်မှန်တဲ့ ပြည်ထောင်စုဖြစ်နိုင်မှာလဲ။ ရေရှည်တည်တံ့တဲ့ ငြိမ်းချမ်းရေးကို ဘယ်လိုတည်ဆောက်နိုင်မှာလဲ။ ဒါဟာ မဖြစ်နိုင်ပါဘူး။ ဒါကြောင့် ကျွန်တော်တို့ဟာ စစ်မှန်တဲ့ ပြည်ထောင်စု ဖြစ်ဖို့နဲ့ ငြိမ်းချမ်းရေးရရှိဖို့အတွက် ယုံကြည်မှု ရအောင် အရင်ဆုံး တည်ဆောက်ရမှာ ဖြစ်ပါတယ်။

          ဒါဆို တစ်ယောက်နဲ့တစ်ယောက် တစ်ဖွဲ့နဲ့တစ်ဖွဲ့  ဘာကြောင့် မယုံကြည်နိုင်အောင် ဖြစ်နေရတာလဲ ? 

          တန်းတူ ညီမျှမှု မရှိတာတွေ၊  ဗိုလ်ကျစိုးမိုး အနိုင်ကျင့်တာတွေ၊  လူ့အခွင့်အရေး ချိုးဖေါက်တာတွေ၊ ကတိမတည် လိမ်လည်လှည့်ဖျားတာတွေ ၊ နိုင်ငံရေး လွတ်လပ်ခွင့်ကို ချုပ်ချယ်တာတွေ အစရှိတာတွေ ရှိနေလို့ ဖြစ်ပါတယ်။ လူတစ်စုက တစ်ခြားလူတစ်စုကို မယုံကြည်နိုင်လို့ အဲဒီအပြုအမူတွေကို လုပ်ဆောင်တာ ဖြစ်တတ်ပြီး ခံရတဲ့လူတစ်စုကလည်း ပြုလုပ်သူ လူတစ်စုကို တစ်ဖန်ပြန်ပြီး မယုံကြည်နိုင်တော့ပါဘူး။ အဲဒီကနေစပြီး ငြိမ်းချမ်းမှုတွေပျောက်  ပဋိပက္ခတွေ ရောက်လာတော့တာပါဘဲ။

          ယုံကြည်မှုကို တစ်ဖက်တည်းက တည်ဆောက်လို့လဲ မရပါဘူး။ နှစ်ဖက် သို့မဟုတ် သုံးဖက် ပါဝင်သူအားလုံးက ပါဝင်တည်ဆောက်မှ ဖြစ်နိုင်တာပါ။ တစ်ဖက်နဲ့ တစ်ဖက် အပြန်အလှန် နားလည်မှု နဲ့ လုပ်ပြကိုင်ပြ ဆောင်ရွက်ပြတာတွေကသာ ယုံကြည်မှုကို တည်ဆောက်နိုင်မှာဖြစ်ပါတယ်။ ကျဉ်းမြောင်းတဲ့ လူမျိုးရေးစိတ်ဓါတ် ဆိုတာ မကောင်းသလို ကျန်တစ်ဖက်က ကျဉ်းမြောင်းတဲ့ လူမျိုးကြီးဝါဒ ဆိုတာလည်း မကောင်းပါဘူး။ ကျွန်တော်တိုက်တွန်းချင်တာကတော့ အဲဒီ လွဲမှားမှုတွေကို အားလုံးက ရှောင်ကျဉ်ဖို့ လိုပါတယ်။ ဖျောက်ဖျက် ပြစ်ဖို့ လိုပါတယ်။ ဒါမှ ယုံကြည်မှုကို တည်ဆောက်နိုင်မှာ ဖြစ်ပါတယ်။

          ဥပမာ အခု အပစ်ရပ်စဲရေး စာချုပ်တွေမှာ လက်မှတ်ထိုးကြတော့ "ပြည်ထောင်စုထဲက ခွဲမထွက်ပါဘူး" ဆိုပြီးလက်မှတ် ထိုးရပါတယ်။ ကောင်းပါတယ်။ ဒါပေမဲ့ ဒါဟာတစ်ဖက်ထဲအပေါ်ထားတဲ့ စည်းကမ်းချက်မျိုးပါ။ တစ်ခြားတစ်ဖက်ကလည်း "ပြည်ထောင်စုကြီးထဲက မခွဲထွက်ချင်အောင် ကျွန်တော်တို့ ဘာတွေလုပ်ထားပါတယ် " ဆိုတာမျိုးကြတော့ မပါပါဘူး။ အဲဒီတော့ ယုံကြည်မှုတည်ဆောက်ရာမှာ အခက်အခဲဖြစ်တတ်ပါတယ်။ ကျွန်တော်တို့က မခွဲထွက်ချင်အောင် ဘာတွေဘာတွေ လုပ်ထားပါတယ်။ ခင်ဗျားတို့ဘက်ကလဲ ခွဲမထွက်ပါနဲ့  ဆိုတာမျိုး နှစ်ဖက်စလုံးက ကတိတွေပေးမှ တရားမျှတတဲ့၊  နားလည်မှုရှိတဲ့ ယုံကြည်မှုတည်ဆောက်တာ ဖြစ်ပါလိမ့်မယ်။

          ခွဲထွက်ရေး ဆိုတာကို အကြောင်းပြပြီး လှည့်စားခဲ့တဲ့  အတိတ်ကအရိပ်မည်းကြီးရဲ့ ဒဏ်ရာဒဏ်ချက်တွေ ဖြစ်ပါတယ်။

          အမှန်တကယ် မရှိခဲ့တဲ့ ခွဲထွက်ရေးကို အကြောင်းပြပြီး စစ်အာဏာသိမ်းခဲ့လို့ မြန်မာနိုင်ငံရဲ့ ပထမဆုံး သမ္မတကြီးဟာ ဘာမှအပြစ်မရှိဘဲ ထောင်ထဲမှာ ကွယ်လွန်ခဲ့ရတယ်။ သူ့သားတစ်ယောက်လည်း အကြောင်းမဲ့ ကျဆုံးခဲ့ရတယ်။ သီပေါစော်ဘွား ကြီးလည်း အဖမ်းခံရပြီး ပျောက်ဆုံးခဲ့ရတဲ့ သမိုင်းအမည်းစက်ကြီး တစ်ခု ဖြစ်ခဲ့ရပါတယ်။ ဘယ်လိုလုပ်ပြီး ယုံကြည်နိုင်ကြပါမလဲ။ ရှမ်းတွေဘက်က မယုံကြည်နိုင်မှုဟာ တရားမျှတမှု ရှိပါတယ်လို့ ပြောချင်ပါတယ်။  ၁၉၆၁-ခုနှစ် တောင်ကြီးမှာပြုလုပ်တဲ့ ပြည်နယ်ပေါင်းစုံ ညီလာခံက ချမှတ်ခဲ့တဲ့ ပြည်ထောင်စုမူဟာ ၁၉၄၇ ခုနှစ် အခြေခံဥပဒေကို ပြင်ဆင်ဖို့ တင်သွင်းတဲ့စာတမ်းသာ ဖြစ်ပါတယ်။ အခြေခံဥပဒေက ခွင့်ပြုထားတဲ့ ဥပဒေလမ်းကြောင်းထဲက မူဖြစ်ပါတယ်။ နောင်အခါမှာတော့ အခြေခံဥပဒေနဲ့ အညီအညွတ်လုပ်ထားတဲ့မူကနေ အတင်းအကြပ်စွပ်စွဲပြီး ခွဲထွက်ရေးမူ အဖြစ်ကင်ပွန်းတပ်ခံခဲ့ရတာကို ၀မ်းနည်းဖွယ် တွေ့ကြရမှာပါ။  တစ်ဦးနဲ့တစ်ဦး ၊ တစ်ဖွဲ့နဲ့တစ်ဖွဲ့ ယုံကြည်မှုတွေ ပျက်ပြားသွားခဲ့ရပြီး သွေးခွဲအုပ်ချုပ်ခြင်းကို ခံလိုက်ကြရတာဘဲ အဖတ်တင် ကျန်ရစ်ပါတော့တယ်။

          ဒီနေ့ ဒီအခြေအနေမှာတော့ သမိုင်းတစ်ခေတ်ကို အစပြုလာပါပြီ။ သမိုင်းရေးရာ အမှန်တရားတွေကို ဖေါ်ထုတ်လာနိုင် ကြပါပြီ။ ဖယ်ဒရယ်စနစ်ဟာ ခွဲထွက်ရေးမဟုတ်ဘူးဆိုတာ အများစုက လက်ခံလာကြပါပြီ။ ဖယ်ဒရယ်ဆိုတာ ပေါင်းစည်းရေး ဆိုတာကို လက်ခံလာကြပါပြီ။ နိုင်ငံရေးသမားတွေပြောတဲ့ စကားလုံးတွေထဲမှာ ဖယ်ဒရယ်စနစ်ဆိုတဲ့စကားလုံး မပါမဖြစ် ပြောဆို နေကြပါပြီ။ တောက်လျှောက်ပြောလာခဲ့တဲ့ ကျွန်တော်တို့တွေထက်တောင်မှ အသုံးပြုတာ များနေပါပြီ။ မဟုတ်မမှန် ဓါးစာခံ လုပ်ခံခဲ့ရတဲ့  "ခွဲထွက်ရေး"  အိပ်မက်ဆိုးကြီးကနေ  နိုးထလာကြပြီလို့ ပြောလိုပါတယ်။ အခုဆိုရင် ဖယ်ဒရယ်စနစ်ဆိုတာ ခွဲထွက်ရေးမဟုတ် ၊ ပူးပေါင်းရေး တနည်းအားဖြင့် ပြည်ထောင်စု စစ်စစ်မူသာဖြစ်ကြောင်း သိလာကြပါပြီ။

          ကျွန်တော်တို့အနေနဲ့ တိုက်တွန်းချင်တာကတော့ ဒီနေ့ကာလလို သမိုင်းအမှန်ပေါ်လာတဲ့ကာလမှာ ကျွန်တော်တို့ရဲ့ သံသယတွေကို လျှော့ချကြပါ။ နားလည်မှု ပေးကြပါ။ ပြည်ထောင်စုကြီးရဲ့ အနာဂတ်ကို မျှော်တွေးကြပါ။ ယုံကြည်မှု တည်ဆောက်ဖို့ လမ်းဖွင့်ကြပါ။ ကိုယ်ကိုယ်တိုင်လည်း ယုံကြည်မှုတည်ဆောက်ပါ။ အခွင့်ကောင်းယူကြပါ။ လက်လွှတ် မခံဖို့ တိုက်တွန်းလိုပါတယ်။ ယုံကြည်မှု တည်ဆောက်မှု လမ်းကို ဖွင့်ထားကြဖို့ တိုက်တွန်းလိုပါတယ်။ ကျွန်တော်တို့ဟာ ပြည်ထောင်စုကြီးရဲ့ အမာခံအဖွဲ့ဝင် ဖြစ်ကြောင်း "ပင်လုံစာချုပ်" ကတည်းက သက်သေပြ ထားခဲ့တာကို မမေ့ကြပါနဲ့။ ဒါ့အပြင် ကျွန်တော်တို့ စဉ်းစားတွေးတောသလို တစ်ဖက်ကလည်း မှန်မှန်ကန်ကန်လိုက်ပြီး စဉ်းစားဖို့ တွေးတောဖို့တိုက်တွန်း လိုပါတယ်။

          ယုံကြည်မှုနဲ့ တည်ဆောက်တဲ့ ငြိမ်းချမ်းရေးကို မျှော်မှန်းကြပါ။ ယုံကြည်ရတဲ့ ငြိမ်းချမ်းရေးဖြစ်ဖို့အတွက်  တန်းတူညီမျှမှု ရှိဖို့ လိုပါတယ်။ ကတိတည် ဖြောင့်မတ်ဖို့ လိုပါတယ်။ လူ့အခွင့်အရေး ချိုးဖေက်မှုတွေအစား ကူညီရိုင်းပင်းမှုတွေ လိုပါတယ်။ ဗိုလ်ကျ စိုးမိုးမှုတွေအစား ကာကွယ်စောင့်ရှောက်မှုတွေ လိုပါတယ်။ ပင်လုံစာချုပ်ဆိုတာ တောင်တန်းဒေသနဲ့ ပြည်မ တန်းတူညီမျှ ပူးပေါင်းရေးစာချုပ်ဖြစ်ပါတယ်။ ပင်လုံစိတ်ဓါတ် အနှစ်သာရကို မမေ့သင့် မဖျောက်ဖျက်သင့်ပါဘူး။ အမြဲလိုက်နာ နေသင့်ပါတယ်။

          အခုပြောနေကြတဲ့ ရှစ်ပြည်နယ်မူဆိုတာဟာ အစစ်အမှန်ကိုပြောရရင် "ရှစ်ယူနစ်" ကို ပြောခြင်း ဖြစ်ပါတယ်။ ခင်ဗျား တစ်ယူနစ်ဆိုရင် ကျွန်တော်တစ်ယူနစ်၊ မင်း တစ်ယူနစ်ဆိုရင် ငါ တစ်ယူနစ်ကို ပြောခြင်း ဖြစ်ပါတယ်။  အားလုံးတန်း တူညီမျှတာကို ပြောတာပါ။ တန်းတူညီမျှခြင်းဆိုတာ တစ်ဖက်သားရဲ့ အိတ်ကပ်ထဲကပစ္စည်းကို နှိုက်ယူတာ မဟုတ်ပါဘူး။ ဖယောင်းတိုင် မီးကူးယူသလိုပါဘဲ။ မူလ ဖယောင်းတိုင်မီးဆီက ဘာမှလျှော့သွားတာ မရှိပါဘူး။ ကိုယ့်မှာ ရှိသလို သူ့မှာလည်း ရှိပါစေ ဆိုတဲ့ စေတနာမျိုးထားနိုင်ရင်ဘဲ အလုပ်ဖြစ်နိုင်ပါပြီ။ အားလုံးတန်းတူညီမျှ ကိုယ်ပိုင်ပြဌာန်းခွင့် ကျင့်သုံးနိုင်ဖို့ ပြောနေခြင်းသာ ဖြစ်ပါတယ်။
 
          ကျွန်တော်တို့ ပြည်ထောင်စုသားအားလုံးဟာ ဘယ်လိုနည်းနဲ့မှ ခွဲခွါပြီး မနေနိုင်ကြပါဘူး။ ဒါကြောင့် ကျွန်တော်တို့ဟာ အတူတကွ ယှဉ်တွဲနေထိုင်တတ်ဖို့ ကြိုးစားကြရမှာ ဖြစ်ပါတယ်။ အတူတကွ ယှဉ်တွဲနေထိုင်ကြရင်  အရင်ဆုံးလိုအပ်တာက ယုံကြည်မှုဘဲ ဖြစ်ပါတယ်။ တစ်ဦးနဲ့ တစ်ဦး မယုံမကြည် ဖြစ်လို့ မရပါဘူး။  ယုံကြည်မှု တည်ဆောက်ကြဖို့ ဘယ်လို တန်းတူညီမျှ မှုတွေ လုပ်ထားသလဲ။ ဘယ်လို ပြဌာန်းခွင့်တွေ ပေးမှာလဲ။  ခွဲမထွက်ရဆိုတဲ့ သံသယစကား မပြောဘဲနဲ့ ခွဲမထွက်ချင်အောင် ဘာတွေလုပ်ပြထားသလဲ။  မေးခွန်းတွေ ပေါ်လာပါတယ်။ တစ်ယောက်နဲ့တစ်ယောက် တစ်စုနဲ့တစ်စု ဘယ်လို harmony ဖြစ်အောင် နေကြမလဲဆိုတာ အလွန်အရေးကြီးပါတယ်။ ကျွန်တော်တို့ဟာ ကျွန်တော်တို့တိုင်းပြည်ကို state of peace ဖြစ်ဖို့ ကြိုးစားကြရပါမယ်။

          ကျွန်တော်တို့တတွေဟာ ပြည်ထောင်စု မပီသတဲ့ ပြည်ထောင်စုမျိုး၊ ဆိုရှယ်လစ်မပီသတဲ့ ဆိုရှယ်လစ်မျိုးတွေနဲ့ ကြုံတွေ့ ခဲ့ကြဖူးပါပြီ။ ဒါတွေကို သင်ခန်းစာအဖြစ်ယူကြပြီး နောက်တစ်ကြိမ် ထပ်မကြုံမတွေ့ရလေအောင် တားဆီးကြရပါမယ်။ ဆိုရှယ်လစ်အတု၊ ပြည်ထောင်စုအတုတွေလိုဘဲ "ဖယ်ဒရယ်အတု" ကိုလည်း ကျွန်တော်တို့ တားဆီးရှောင်ကျဉ်ကြရပါမယ်။ ဖယ်ဒရယ်မျက်နှာဖုံးတပ်ထားတဲ့ ဖယ်ဒရယ်အတုတွေ ပေါ်ပေါက်လာနိုင်ပါတယ်။ အတုတွေနဲ့ ယုံကြည်မှု မတည်ဆောက် နိုင်ပါဘူး။ အတုတွေနဲ့ ယုံကြည်မှုတည်ဆောက်ရင်လဲ အမှားကြီးမှားပါလိမ့်မယ် ဆိုတာ တင်ပြလိုပါတယ်။

          တစ်စုနဲ့တစ်စု တစ်ဖွဲ့နဲ့တစ်ဖွဲ့ဟာ ကိစ္စရပ်အားလုံးမှာ မတူနိုင်ကြပါဘူး။ ကွဲပြားမှုတွေ ရှိနေမှာပါဘဲ။ ဘယ်လိုဘဲ ကွဲပြားပါစေ မတူကွဲပြားမှု ပဋိပက္ခ တွေကို     တွေ့ဆုံဆွေးနွေး ညှိနှိုင်းယူကြတာဟာ အကောင်းဆုံးနည်းလမ်းဘဲ ဖြစ်ပါတယ်။  လက်နက်ကိုင်ကိစ္စကို စဉ်းစားကြည့်လိုက်ရင် လုံခြုံစိတ်ချရတဲ့ ပတ်ဝန်းကျင်မှာ နေရသူတွေအဖို့ လက်နက်ကိုင်စရာ မလိုပါဘူး။ လက်နက်ကိုင်ဖို့လည်း စိတ်ကူးရှိမှာ မဟုတ်ပါဘူး။ လုံခြုံစိတ်ချရမှု ရှိဖို့ဘဲလိုအပ်ပါတယ်။ ဒါကြောင့် တရားမျှတမှု ၊ ဥပဒေ စိုးမိုးမှု၊ လုံခြုံစိတ်ချရမှု ၊ အလုပ်အကိုင်အခွင့်အလမ်း ပွင့်လင်းမှု ၊ နိုင်ငံရေး လွတ်လပ်မှုတွေကို ဖန်တီးကြမှသာလျှင် ယုံကြည်မှု တည်ဆောက်နိုင်ပြီး ရေရှည်တည်တံ့တဲ့ ငြိမ်းချမ်းရေးကို တည်ဆောက်နိုင်မှာ ဖြစ်ပါတယ်။

          ငြိမ်းချမ်းရေးဆိုတာ   စစ်ပွဲတွေ မရှိဘဲ အေးချမ်းသာယာနေတာ ၊  စားဝတ်နေရေး ဖူလုံမှု ရှိနေတာ ၊  လူထုရဲ့ စိတ်သဘောတွေ တည်ငြိမ်နေတာ ၊  အခြားသူတွေနဲ့ အတူတကွ  harmony ဖြစ်အောင်ယှဉ်တွဲနေနိုင်တာ  ဆိုပြီး အဓိပ္ပါယ်ဖွင့်ဆို ကြပါတယ်။  ပြည်ထောင်စုကြီးတစ်ခုထဲမှာ ငြိမ်းချမ်းစွာ အတူတကွ ယုံကြည်မှုတည်ဆောက်သွားဖို့ ၊ ရေရှည်တည်မြဲမဲ့ ငြိမ်းချမ်းရေး တည်ဆောက်သွားဖို့ ဆိုရင် တိုင်းပြည်ကို state of harmony ဖြစ်အောင် တည်ဆောက်ဖို့ လိုတယ်လို့ ပညာရှင်တွေက ဆိုပါတယ်။  

          State of harmony ဆိုတာကတော့  လွတ်လပ်မှု၊  တရားမျှတမှု၊  တန်းတူညီမျှမှု၊  သွေးစည်း ညီညွတ်မှု၊  ရေရှည် ဖွံ့ဖြိုးတိုးတက်မှု၊  တွေ့ဆုံ ဆွေးနွေးမှုနဲ့ အခြေခံ လူသားလိုအပ်ချက်များကို  ဖြည့်ဆည်းပေးနိုင်မှု စတာတွေကို ဆောင်ရွက်ထားနိုင်တာ ကို ပြောကြခြင်း ဖြစ်ပါတယ်။   နှစ်ဦးနှစ်ဖက် အပေးအယူ မျှမျှတတ ရှိအောင် ကြိုးစားဖို့လိုပါတယ်။ တစ် ဖက်က အသာစီးရနေပြီး အခြားတစ်ဖက်က နစ်နာဆုံးရှုံးနေရတာမျိုးကို ရှောင်ကြဉ်ကြရပါတော့မယ်။ အတိတ်က သင်ခန်းစာတွေကို ဓမ္မဓိဌာန်ကျကျ စဉ်းစားပြီး အမှားတွေကို ဖေါ်ထုတ် ရှောင်ကြဉ်ရမှာ ဖြစ်ပါတယ်။

          နိဂုံးအနေနဲ့ ကျွန်တော်တို့ရဲ့ ပြည်ထောင်စုကြီးကို   state of harmony   ဖြစ်အောင် ၀ိုင်းဝန်းကြိုးစားကြဖို့ တိုက်တွန်းလိုက်ပါတယ်။

Trust building for peace forum (26-28 November 2012) တော်ဝင်နှင်းဆီ ခန်းမ၊ ရန်ကုန်မြို့တွင် ဖတ်ကြားခဲ့သော စာတမ်း ဖြစ်ပါသည်။



Wednesday 5 December 2012

မေတ္တာကြေး

ကျွန်တော်သိသလောက် မေတ္တာဆိုတာ အလွန်ကိုမွန်မြတ်တဲ့စေတနာပါ။ အင်မတန် သိမ်မွေ့နှက်နဲ ပါတယ်။ ဒါပေမဲ့ အခု ကျွန်တော်ပြောချင်နေတဲ့ မေတ္တာကြေးကတော့ ဒါတွေနဲ့ ဆန့်ကျင်ဘက် ဖြစ်နေပါတယ်။ ​ကျွန်တော်ပြောချင်တာကကို အဓိပ္ပါယ်ဖွင့်ရမယ်ဆိုရင် မေတ္တာရှိဖို့ ပေးရတဲ့ ငွေကြေးကို ဆိုလိုချင် တာပါ။

၀န်ဆောင်မှုပေးနေတဲ့ အစိုးရဌာန တစ်ခုခုဆီကို ကိစ္စတစ်ခုခုနဲ့ ခင်ဗျားရောက်သွားပြီဆိုပါစို့။ သူ့တာဝန်အရ သူ့ဖာသာသူ ဆက်တိုက်လုပ်သွားတဲ့နေရာတွေဆိုတာ တကယ်ရှိပါတယ်။ ဒါပေမဲ့ အတော် ကြီးကို နည်းလှပါတယ်။ လုပ်ပြန်ရင်လည်း စာတစ်မျက်နှာကို တစ်နာရီလောက် အေးအေးဆေးဆေးကြီးကို ရေးနေပါလိမ့်မယ်။ တစ်ချို့ မိန်းကလေးတွေဆိုရင် သူ့ဘေးက အဖေါ်တွေနဲ့ ရယ်လားမောလား ပြောကြ ဆိုကြရင်း နဲ့ အေးအေးဆေးဆေးကြီးကို လုပ်နေပါလိမ့်မယ်။ ကြုံဖူးကြမှာပါ။ အဲဒါ ဘာလို့ ဖြစ်ရတာလဲလို့ မေးရင် အဖြေကတော့ မေတ္တာကြေး မပေးလို့ပါဘဲ။

သူတို့က မတောင်းဆိုပေမဲ့ မေတ္တာ စေတနာ ရှေ့ထားပြီး မုန့်ဖိုး ပဲဖိုး လက်ဖက်ရည်ဖိုး များပေးလိုက်ရင် ခုနက တစ်မျက်နှာ တစ်နာရီနှုန်းနဲ့ ရေးနေတဲ့ စာမျက်နှာဟာဆိုရင် တစ်ဆယ့်ငါးမီနစ်အတွင်း ကောင်းကောင်း မွန်မွန်ကြီး ပြီးသွားပါလိမ့်မယ်။ သူတို့က ကိုယ့်ကို မေတ္တာရှိသွားကြလို့ တိတိကျကျ မှန်မှန်ကန်ကန် မြန်မြန် ဆန်ဆန်ကြီး ပြီးသွားတာပါ။ ဟုတ်တော့ ဟုတ်ပါတယ်။ မေတ္တာ စေတနာသာ မရှိရင် အပင်ပန်းခံပြီး ဘယ်လုပ် ပေးလိမ့်မလဲ။ စားပွဲတစ်ခုကနေ နောက်စားပွဲတစ်ခု နောက်စားပွဲတစ်ခု ကိုယ့်စာရွက်စာတမ်းတွေကို ကိုယ်ကိုင်ပြီး ကိုယ်တိုင်လိုက်တင်ပေးရတဲ့ ရုံးတွေရှိနေတာ ကိုယ်တိုင်ကြုံဖူးတဲ့လူတွေ အများကြီး ရှိပါတယ်။ ကိုယ့်ကိစ္စလေး မပြီးမှာ ကြောက်လို့ ခန္ဓီစသည်းခံခြင်းတရားရှေ့ထားပြီး လုပ်ခဲ့ရတဲ့ လူတွေလည်း အများကြီး ပါဘဲ။ တစ်ခါတစ်လေများဆိုရင် ဟိန်းလားဟောက်လားတောင် ရှိတတ်ပါတယ်။ သူတို့ စိတ်ထဲမှာ သူတို့လုပ်ပေးနေတဲ့ စာရွက်စာတမ်းတွေကြောင့် ရလာနိုင်တဲ့ အကျိုးအမြတ်တွေကို တွက်ဆနေသလား မသိတော့ပါဘူး။ ငါတို့လည်း လုပ်ပေးနေရတာဘဲ သူတို့ရရင် ငါတို့လည်း ရသင့်တယ်လို့များ တွက်ထားသလား မသိတော့ပါဘူး။

ဟိုအရင် အစိုးရလက်ထက်တုန်းက ၀န်ကြီးတစ်ပါးက သူ့ဝန်ကြီးဌာနက ၀န်ထမ်းတွေကို အမှာစကား ချွေ နည်းပေးလမ်းပြလုပ်ထားဖူးတာကို ကြားဖူးခဲ့ပါတယ်။ ကိုယ့်တာဝန်ကို ကိုယ်ကျေပွန်အောင်လုပ်ကြပါ။ ဘယ်သူ့ဆီကမှ လက်ဖက်ရည်ဖိုး မတောင်းပါနဲ့။ အဲ သူတို့စေတနာရှိလို့ ပေးရင်တော့ ယူပါ။ ဒါပေမဲ့ ငွေမရလို့ လုပ်မပေးတာမျိုးလည်း မရှိစေနဲ့။ ကိုယ့်တာဝန်ကိုယ်ကြေပွန်ပါစေ လို့ မှာတမ်းချွေတယ်လို့ ကြားဖူးပါတယ်။ ဟုတ်မဟုတ်တော့ အဲဒီဝန်ကြီးဌာနကလူတွေ ပိုသိမှာပါ။ သာမန်အားဖြင့် ကြည့်လိုက်ရင် အင်မတန်မှကို တရား မျှတပါတယ်။ ကောင်းမွန်တယ်လို့ ထင်ရပါတယ်။ ဒါပေမဲ့ အဲဒီလူကြီးမင်း မေ့နေတာက သူ့ဝန်ထမ်းတွေရဲ့ စီးပွါးရေးအခြေအနေ၊ သူတို့ လုပ်နေရတဲ့ လုပ်ငန်းရဲ့ အကျိုးအမြတ်တွေကို ထည့်တွက်မိပုံ မရပါဘူး။

တာဝန်ကို ကြေအောင်လုပ်ပါလိမ့်မယ်။ လိပ်နှုန်းနဲ့လေ။ တစ်မျက်နှာကို တစ်နာရီလောက်လုပ်ပါ လိမ့်မယ်။ ကိုယ့်အပေါ် စေတနာတွေ မေတ္တာတွေ မရှိ ရှိချင်စိတ်တွေပေါ်လာအောင် လုပ်ပါလိမ့်မယ်။ တစ်ဦး မေတ္တာ တစ်ဦးမှာ ဆိုသလို သူမေတ္တာရှိမှ ကိုယ်လည်းမေတ္တာ ရှိမယ်ဆိုတဲ့ သဘောပေါ့။ အဲဒီတော့ လာစောင့် တဲ့ပုဂ္ဂိုလ်က စဉ်းစားရပါပြီ။ ကိုယ့်ကို မေတ္တာစေတနာရှိအောင် ကိုယ့်မှာ မေတ္တာစေတနာတကယ်ရှိရှိ မရှိရှိ ပေး တာကမ်းတာတွေ လုပ်ရပါတော့တယ်။ ကိုယ့်မှာကလည်း တစ်ခြားလုပ်စရာကိုင်စရာများရှိနေရင် ပိုလို့တောင် မှ လျင်လျင်မြန်မြန်နဲ့ ပေးကမ်းရပါလိမ့်မယ်။ ကဲ မခက်ဘူးလားဗျာ။

တကယ်ကတော့ ပေးတာ မပေးတာ တစ်ပိုင်းပေါ့။ မြန်မြန်ကောင်းကောင်းလုပ်ပေးလိုက်ရင် သူကပေး သွားမှာပါဆိုတဲ့ မျှော်လင့်ချက်နဲ့ လုပ်ပေးနေတဲ့ အဆင့်မျိုးမှာတောင် စေတနာ မှန်တယ်လို့ မဆိုနိုင်ပါဘူး။ ဘာကိုမှ မမျှော်လင့်ဘဲ စေတနာမေတ္တာထား လုပ်ပေးတာကတော့ အကောင်းဆုံးပါဘဲ။

ကျွန်တော်က ဒီလို အဆိုတွေတင်လိုက်တော့ ၀န်ထမ်းတစ်ချို့ကတော့ ကြိုက်မှာ မဟုတ်ပါဘူး။ ရနေကြ လုပ်နေကြ မေတ္တာကြေး ကိစ္စကို ရိုးသားတဲ့အလုပ်တစ်ခုလို မြင်နေကြပါပြီ။ အများစုက လုပ်နေကိုင်နေတဲ့ လုပ်ငန်းတစ်ခုလို လုပ်ရိုးလုပ်စဉ် ဖြစ်နေပါပြီ။ ဒါတွေက သိပ်တော့အရေးမကြီးဘူးလို့ ထင်ရပေမဲ့ ကျွန်တော်တို့ နိုင်ငံ့ဝန်ထမ်းတွေရဲ့ ခံယူချက် နဲ့ တကယ့် မေတ္တာစေတနာတွေကို ထိခိုက် စေတာကတော့ မငြင်းနိုင်လောက်ပါဘူး။ ခင်ဗျားက ဒါတွေလာပြောနေတယ်။ အရင်လုပ်ရမှာက Corruption ရပ်ဖို့ အရင်မဟုတ်လားလို့ မေးကြပါလိမ့်မယ်။ ဟုတ်ပါတယ်။ ကျွန်တော့ စေတနာက Corruption ကိုတိုက်ရင် အဲဒီ Corruption က ဘယ်ကိုပြောင်းသွားမလဲဆိုတာက ခုပြောနေတဲ့ မေတ္တာကြေးကိစ္စကို ပြောင်းသွားမှာမို့ပါ။ ဒါအလွန်သတိထားသင့်တယ်လို့ ထင်လို့ပါ။

အခုဆို လာဘ်ပေးလာဘ်ယူ ကိစ္စတွေကို ရှေ့တန်းတင် ပြောလာကြရတဲ့အချိန်ဖြစ်ပါတယ်။ ကျွန်တော် စိတ်ပူတာက အင်မတန်ခက်ပါတယ်ဆိုတဲ့ လာဘ်ပေးလာဘ်ယူကိစ္စကို ရှင်းချင်ရှင်းနိုင်ပါလိမ့်မယ်။ မေတ္တာကြေး ကိစ္စကတော့ အတော့်ကို မလွယ်တဲ့ကိစ္စ ဖြစ်နေပါတယ်။ စာရေးဝန်ထမ်းတစ်ယောက်က စာတစ်ရွက်ကို ပုံမှန် ထက်နှေးနှေးကွေးကွေး ရေးနေတာကို ဘယ်လိုလုပ်ပြီး မြန်အောင်သွားပြောလို့ ရမလဲ။ အလုပ်အပေါ်မှာ နစ်နစ် ကာကာစေတနာထားပြီး လုပ်ကိုင်လာအောင် ဘယ်လိုလုပ်ကြပါမလဲ။

အစိုးရပိုင်းကတော့ လုပ်နေတယ်လို့ ပြောပါတယ်။ နောင်တစ်ချိန်မှာ ဌာနဆိုင်ရာ လုပ်ငန်းတွေ နည်း သွားတော့မှာမို့ ဒီကိစ္စကို သိပ်မပူဖို့ ပြောကြတာလည်း ရှိပါတယ်။ ဟုတ်ပါတယ်။ ဒါပေမဲ့ အစိုးရ၀န်ကြီးဌာန အနေနဲ့ မရှိမဖြစ် ကျန်နေအုန်းမယ့် ဌာနတွေကလည်း ရှိနေကြအုန်းမှာပါဘဲ။ ဥပမာ အားဖြင့် လူဝင်မှု ကြီးကြပ် ရေးနဲ့ ပြည်သူ့အင်အားဦးစီးဌာန လိုမျိုးပေါ့။ ဧည့်နိုင်ငံသား၊ နိုင်ငံသား၊ တိုင်းရင်းသား လက်မှတ်တွေကို အဲဒီဌာနက တာဝန်ယူစိစစ်လုပ်ကိုင် ထုတ်ပေးရတာပါ။ နောင်လာမယ့်နှစ်တွေမှာဆိုရင် နိုင်ငံလုံးကျွတ် သန်းခေါင်စာရင်း ကောက်ပါတော့မယ်။ နိုင်ငံရဲ့ လူဦးရေစာရင်းဟာ ကျွန်တော်တို့နိုင်ငံရဲ့ နိုင်ငံရေး၊ စီးပွါးရေး၊ ကျန်းမာရေး၊ ပညာရေး အကုန်နဲ့ သက်ဆိုင်ပါတယ်။ မှန်ကန်တဲ့ စာရင်းတွေရှိနေမှ မှန်ကန်တဲ့ စီမံကိန်းတွေ၊ တွက်ချက်မှုတွေကို လုပ်နိုင်မှာ ဖြစ်ပါတယ်။ မှန်ကန်တဲ့ စာရင်းဇယားတွေ ရရှိအောင်လည်း အားလုံးက ၀ိုင်းဝန်းကူညီ ပါဝင်သင့် ပါတယ်။

မြို့နဲ့ ဝေးရာဒေသတွေမှာ နေထိုင်ကြတဲ့ ကျွန်တော်တို့ တိုင်းရင်းသားတွေဟာ များသောအားဖြင့် အမျိုးသားမှတ်ပုံတင် သက်သေခံလက်မှတ်တွေ မရှိကြပါဘူး။ သူတို့က ဘယ်မှမသွားတဲ့ဥစ္စာ မလိုပါဘူးလို့ ဆင်ခြေပေးကြတယ်။ ကျွန်တော်တို့ ရွေးကောက်ပွဲမဲဆွယ်တဲ့အခါတွေမှာ သိသိသာသာကြီးကို တွေ့နေ ရတယ်။ တကယ်တမ်းကျတော့ အဲဒီအကြောင်းပြချက်က မမှန်ပါဘူး။ တကယ့်အကြောင်းရင်းက ငွေမရှိလို့ပါ။ မတတ်နိုင်ကြလို့ပါ။ ကိုယ့်ရွာမှာ ကိုယ်နေတာ ဘယ်ကိုမှ မသွားတော့ မလိုဘူးလို့ ခပ်လွယ်လွယ်ဆင်ခြေပေးကြ ပါတယ်။ စစ်တဲ့ဆေးတဲ့လူလည်း မရောက်နိုင်လို့ သူတို့အတွက် သိပ်ပြဿနာမရှိပါဘူး။ မဲထည့်ဖို့လည်း စိတ်ကူးမရှိပါဘူး။ မှတ်ပုံတင်လုပ်ရင် အသက်အတွက် သူတို့မှာ မွေးစာရင်းမရှိဘူး။ မြို့ကိုသွားဖို့ ငွေမရှိဘူး။ မှတ်ပုံတင်စာရင်းတွေကြည့်ပြီး လုပ်အားပေးခေါ်တာ၊ ခိုင်းတာတွေကို ကြောက်ခဲ့ရဖူးတဲ့ စိတ်ဒဏ်ရာတွေရှိနေ သေးတယ်။

လ-၀-က ဌာနက ကျပ်ဆယ်ဂဏန်းလောက်နဲ့ လုပ်ပေးနေတယ်လို့ ပြောပေမဲ့ လမ်းစရိတ်တော့ ဘယ်ပေးနိုင်မလဲ။ ဓါတ်ပုံဖိုးဘယ်ရှိမလဲ။ လိုက်ပြီးပို့ပေးမယ့် စာတတ်ပေတတ် တစ်ယောက်လောက်ကလည်း လိုပါတယ်။ သူကြီးထောက်ခံစာ လိုပါတယ်။ ဘယ်နှစ်ရက်လောက်နေရမယ်မှန်း မသိနိုင်ဘူး။ တစ်မျက်နှာကို တစ်နာရီလောက်ရေးတဲ့ လူနဲ့တွေ့ရင် ပိုပြီးကြာပေလိမ့်မယ်။ မေတ္တာကြေး ပေးစရာ သူတို့မှာ မရှိဘူး။

လ-၀-က မှူးတွေ ကျေးရွာတွေ အထိ ဆင်းပြီး မှတ်ပုံတင်လုပ်ပေးကြတာ သတင်းတွေထဲမှာ ဖတ် ရတော့ ၀မ်းသာရပါတယ်။ ဒါပေမဲ့ အားလုံးကို ခြုံကြည့်ရင် အများကြီး ကျန်နေသေးတယ်။ လုပ်ရည်ကိုင်ရည် လည်းရှိ စေတနာလည်းရှိတဲ့ လူကြီးတစ်ဦးရှိတဲ့ ကျေးရွာအုပ်စု တစ်ခုကို စိတ်ထဲမှန်းကြည့်လိုက်ပါ။ လ-၀-က မှူးတွေကို သွားခေါ်ပါပြီတဲ့။ အဲဒီဝန်ထမ်းတွေကို အစိုးရက ပေးထားတဲ့ နေ့တွက်စရိတ်၊ ခရီးစရိတ်တွေက အမှန်တကယ် ကုန်ကျစရိတ်တွေနဲ့ လားလားမှ မဆိုင်အောင်ပိုကုန်နေပါတယ်။ သူတို့လည်း ဘယ်လိုလုပ်ပြီး အိတ်စိုက် နိုင်ပါ့မလဲ။ အဲဒီတော့ သူကြီးတာဝန်ဖြစ်လာပါပြီ။ လမ်းစရိတ်၊ စားစရိတ် ကောက်ရပါပြီ။ ငွေမတတ်နိုင်တဲ့ လူတွေက ငွေထည့်ဖို့ ဖြစ်လာရပြန်ပြီ။ ဝေးလံတဲ့ဒေသတွေဆိုရင် အသွားအပြန် နှစ်ရက်နဲ့ ပြီးရင် အလွန်ကို ကံကောင်းနေပါပြီ။

ကျွန်တော်ကတော့ ဗျာ။ အဲဒီ ဝေးလံဒေသ ကျေးရွာကလူတွေအတွက် စိတ်ပူနေမိတော့တာပါဘဲ။ မေတ္တာကြေး မတတ်နိုင်တဲ့ သူတို့တတွေ ဘယ်လိုများလုပ်ကြပါမလဲ။ တိုင်းရင်းသားမဟုတ်တဲ့ သူတွေကတော့ မှတ်ပုံတင်ဟာ သူတို့အတွက် အမှန်တကယ်အရေးကြီးကြောင်းသိနေတာမို့ ငွေဘယ်လောက်ကုန်ကုန် ထုတ် သုံးကြမှာပါဘဲ။ အဲဒီတော့ တိုင်းရင်းသားအစစ်အမှန်တွေက မှတ်ပုံတင်မရှိကြတော့ဘဲ သူစိမ်းတွေဆီမှာတော့ မှတ်ပုံတင်တွေရှိနေကြမှာပါ။ လ-၀-က ဌာန တွေမှာ ရေးထားတဲ့ စာတမ်းတစ်ခုရှိပါတယ်။ - မြေမြိုလို့ လူမျိုးမပျောက်၊ လူမျိုမှ လူမျိုးပျောက်- ဆိုတဲ့ စာတမ်းကို မျက်စိထဲ မြင်နေမိတယ်။

မသိနားမလည်သေးတဲ့သူ၊ သဘောမပေါက်သေးတဲ့သူ၊ မေတ္တာကြေး မရှိသေးတဲ့သူ၊ ဝေးလံခေါင်ဖျား မှာနေတဲ့သူ စတဲ့ မှတ်ပုံတင်မရှိတဲ့ ကိုယ့်တိုင်းရင်းသားစစ်စစ်တွေကို မှတ်ပုံတင် ရှိလာအောင် ၀ိုင်းကူပေးကြ ဖို့ တော့ လိုနေပါပြီ။ ဒါ အမျိုးသားရေး တာဝန်တစ်ခုပါ။ ကျွန်တော်တို့ နိုင်ငံမှာ အားကစားပွဲတွေကို သွားကစား တာကအစ.... ကြက်ဆူပင်စိုက်တာအဆုံး... အမျိုးသားရေးတာဝန်တစ်ရပ်အနေနဲ့ သတ်မှတ်ပြီးတောင် လုပ်ခဲ့ကြသေးတာဘဲ မဟုတ်လား။ ကိုယ့်တိုင်းရင်းသားတွေအားလုံး လူမျိုမခံရလေအောင် သက်သေခံမှတ်ပုံတင်လက်မှတ် ကိုယ်စီရကြဖို့ဆိုတဲ့ အရေးဟာ အမျိုးသားရေးတာဝန်တစ်ရပ်လို့ ကျွန်တော်ပြောတာကတော့ မလွန်လောက်ပါဘူးဗျာ။

စိုင်းညွန့်လွင်
၂၀၁၂ သြဂုတ်လ (၂၆) ရက်