အခုဒီစာကို ရေးတဲ့ ကာလဟာဖြင့် (၁၅-ဧပြီ-၂ဝ၁၅) ဖြစ်ပါတယ်။ ဒီအချိန်ကိုသိဖို့ အလွန်ကို အရေးကြီးပါတယ်။ ဘာဖြစ်လို့လဲဆိုတော့ မကြာမတင် မြန်မာ့နိုင်ငံရေးဟာ အလှည့်အပြောင်း တစ်ခုခုကို ပြောင်းလဲတော့မယ်ဆိုတာကို ကြိုတင် ဟောကိန်းထုတ်နိုင်တဲ့ သဘောမျိုးဖြစ်နေလို့ပါဘဲ။ နိုင်ငံရေးသမားတစ်ယောက် အနေနဲ့ရော၊ နိုင်ငံရေး အကဲဖြတ်သူ တစ်ယောက်အနေနဲ့ရော မှားသွားတာတွေ ရှိနိုင်သလို၊ မှန်သွားတာတွေလဲ အမှန်တကယ် ရှိနေခဲ့တာပါ။ အဲဒါကြောင့် ယနေ့/ယခု ကာလမှာ ရင်ဆိုင်ကြုံတွေ့ နေရတဲ့ အခြေအနေ အရပ်ရပ်အပေါ်ကို လေ့လာဆန်းစစ်ပြီး ကိုယ့်အမြင်တွေကို ထုတ်ဖေါ်တင်ပြတာတွေအတွက် မှား/မှန် ရှိခဲ့မှာ သေချာပါတယ်။ မှားတာ၊ မှန်တာကိုတော့ စာဖတ်သူတွေ ကိုယ်တိုင် ကိုယ့်ဖာသာကိုယ် စိတ်ကြိုက်ဆုံးဖြတ်ကြရမှာ ဖြစ်ပါတယ်။
ယနေ့ မြန်မာ့နိုင်ငံရေးလောကဟာဖြင့်ရင် ကျွန်တော့်အမြင်နဲ့ ပြောရရင် “တောကြီးသုံးတော”ကို တစ်ပြိုင်နက် ဖြတ်သန်းရတော့မယ့် အခြေအနေမျိုး ဖြစ်နေတာကို မြင်နေရပါတယ်။
ဘယ်လို တောကြီးလဲ ဗျာ … … … ။
တကယ်ကတော့ တင်စားထားတာပါဗျာ … … … လို့ဘဲ ဖြေဖို့ရှိပါတယ်။ အခုဆို ၂ဝ၁၅ - ခုနှစ် ဧပြီလထဲ ရောက်နေတဲ့ အခြေအနေကနေ ရေးရတာမို့ ဒါကိုတော့ နားလည်မှုပေးစေချင်ပါတယ်။ ဒီစာအုပ် ခင်ဗျားတို့လက်ထဲရောက်နေတဲ့ အချိန်မှာ ဘာတွေပြောင်းလဲသွားခဲ့သလဲဆိုတာ ခင်ဗျားတို့ကိုယ်တိုင် တွေ့မြင်နေရတာမို့ ခံစားမှုလေးတစ်မျိုးတော့ ရနိုင်ပါလိမ့်မယ်။
ပြောရရင် ဒီနေ့ ကျွန်တော်တို့ နိုင်ငံရေးလုပ်ကိုင်သူတွေအားလုံးအတွက် လုပ်ကိုင်ရမယ့် အရေးကြီးဆုံး ကိစ္စက “သုံး” ခု ရှိနေတယ်လို့ ပြောနိုင်ပါတယ်။ အဲဒါတွေကတော့…
(၁) ၂ဝ၁၅ မှာ ကျင်းပမဲ့ အထွေထွေရွေးကောက်ပွဲကြီး အောင်မြင်စွာ ကျင်းပနိုင်ဖို့။
(၂) ဖွဲ့စည်းပုံ အခြေခံဥပဒေကို ပြင်ဆင်ဖို့အတွက် ပြည်သူ့ဆန္ဒ ခံယူပွဲကျင်းပဖို့ ။
(၃) တစ်ပြည်လုံး ပစ်ခတ်တိုက်ခိုက်မှု ရပ်စဲရေး သဘောတူ လက်မှတ်ရေးထိုးပြီးတဲ့ နောက်ပိုင်းမှာ အားလုံးပါဝင်တဲ့ နိုင်ငံရေး ဆွေးနွေးပွဲတွေ ကျင်းပဖို့ ။
အဲဒီ လုပ်ငန်းကြီးသုံးရပ်ကို တစ်ပြိုင်နက် ဆောင်ရွက် ရဖို့ရှိနေပါတယ်။ အားလုံးဟာ အလွန်ကို အရေးတကြီး ဆောင်ရွက်ရမယ့် ကိစ္စတွေလည်း ဖြစ်ပါတယ်။ ဘယ်တစ်ခုကိုမှလဲ ချန်ထားလို့ မရပါဘူး။ သုံးခုစလုံးကို မဖြစ်မနေ လုပ်ကိုလုပ်ရမှာ ဖြစ်ပါတယ်။
ကျွန်တော့်အမြင်ကို တင်ပြရရင်တော့ အပေါ်မှာ ဖေါ်ပြ ခဲ့သလို တောကြီးသုံးတောကို တစ်ပြိုင်နက် ဖြတ်သန်းရတော့မယ်လို့ မြင်ထားပါတယ်။ တစ်ပြိုင်နက်ဖြစ်ပါတယ်။ ဘာကြောင့်လဲဆိုတော့ အချိန်ကာလအားဖြင့် သုံးခုစလုံးကို မဖြစ်မနေ လုပ်ရမယ့် ကိစ္စဖြစ်နေလို့ပါဘဲ။ ဘယ်တစ်ခုကိုမှ ကွက်ပြီး ချန်ထားလို့ မရနိုင်ဘူး လို့ထင်မိပါတယ်။ နိုင်ငံတော်အတွက် အားလုံးက အရေးတကြီး လိုအပ်ချက်တွေဖြစ်နေလို့ ဖြစ်ပါတယ်။
အချိန်ကာလအားဖြင့်လည်း ကန့်သတ်ချက်က ရှိနေပြန်တယ်။ အခြေခံဥပဒေက ပြဌာန်းထားတဲ့အတိုင်း ၂ဝ၁၅- နိုဝင်္ဘာလ စောစောပိုင်းမှာ အထွေထွေရွေးကောက်ပွဲကို မလွဲမသွေ ကျင်းပပေးရမှာ ဖြစ်ပါတယ်။ တစ်ပြည်လုံးမှာ ရွေးကောက်ပွဲလုပ်ဖို့ဆိုတာ တကယ်တန်းမှာ လွယ်ကူလှတဲ့ ကိစ္စတော့မဟုတ်ပါဘူး။ အထူးသဖြင့် ကျွန်တော်တို့လို ဖွဲ့စည်းပုံအခြေခံဥပဒေအသစ်ကို စတင် ကျင့်သုံးနေတဲ့ နိုင်ငံမှာဆို ပိုပြီးတော့ အရေးကြီးပါတယ်။ ဘာကြောင့်လဲဆိုတော့ အားလုံးဟာ အခြေတကျ မဖြစ်သေးလို့ပါ။
ရွေးကောက်ပွဲကို အားလုံးကလဲ စိတ်ဝင်စားနေခဲ့တာပါ။ ၂ဝ၁ဝ- ရွေးကောက်ပွဲတုန်းက လှည့်ဖျားမှုတွေ သိပ်ကို များခဲ့တာ လူတိုင်းအသိဖြစ်ပါတယ်။ ဒီမိုကရေစီ နိုင်ငံတော် တည်ဆောက်ဖို့ ဆောင်ရွက်ရာမှာ အခုလာမဲ့ ရွေးကောက်ပွဲရဲ့ တရားမျှတမှု၊ လွတ်လပ်မှု၊ ပွင့်လင်းမြင်သာမှု၊ ယုံကြည်လက်ခံနိုင်မှုတွေ အထူးကို လိုအပ်ပါတယ်။ ပြည်ပက ခေါင်းဆောင်တွေ၊ အကဲဖြတ်တွေကလဲ အခုလာမဲ့ရွေးကောက်ပွဲမှာ ပြည်သူ့ကိုယ်စားလှယ် စစ်စစ်တွေကို ရွေးချယ်နိုင်အောင် တွန်းအားပေးနေကြတာဖြစ်ပါတယ်။
အကယ်၍များ ရွေးကောက်ပွဲ မကျင်းပနိုင်ခဲ့ရင်၊ ဒါမှ မဟုတ် နောက်ကို ရွေ့ဆိုင်းလိုက်ရရင် ဥပဒေရေးရာမှာ အတော်ကြီးကို ရှုပ်ထွေးမှုတွေ ဖြစ်လာနိုင်ပါတယ်။ လွှတ်တော်ကိုယ်စားလှယ်အားလုံးကလဲ သက်တမ်းကုန်နေပြီ။ အစိုးရအဖွဲ့တစ်ခုလုံးလဲ သက်တမ်းကုန်နေပြီ။ နိုင်ငံတော်ကိစ္စအဝဝကို ဘယ်သူဆက်ထိမ်းသိမ်းမလဲ။ တပ်မတော်ကို အိမ်စောင့်အစိုးရ သဘောမျိုးနဲ့ အာဏာကို လွဲပေးထားမလား? ဒါဆိုရင် ရွေးကောက်ပွဲကို တပ်မတော်ကဘဲ တာဝန်ယူကျင်းပပေးရမယ့် အနေအထားဖြစ်ပေါ်လာမယ်။ အများစုက ဒါကိုလက်ခံနိုင်မလား။ ကမ္ဘာအရပ်ရပ်ကကော လက်ခံနိုင်မလား။
ဒါတင်မကသေးပါဘူး။ အိမ်စောင့် စစ်အစိုးရ ဖြစ်ခဲ့ရင် နိုင်ငံတကာနဲ့ ဆက်ဆံရေးတွေမှာ ချောမွေ့မှု ဖြစ်နိုင်ပါမလား။ အခု ယိုးဒယားမှာ စစ်တပ်က ဝင်အုပ်ချုပ်နေလို့ မူလမိတ်ဆွေနိုင်ငံတွေက အဆက်အသွယ်ဖြတ်တာတွေ၊ လျော့ချတာတွေကို ကျွန်တော်တို့က သင်္ခန်းစာယူရမှာ ဖြစ်ပါတယ်။
ဘာဘဲဖြစ်ဖြစ် ၂ဝ၁ဝ-တုန်းက မမှန်မကန် ဖြစ်ခဲ့တဲ့ လုပ်ဆောင်ချက်တွေအစားကို ၂ဝ၁၅- မှာ မှန်မှန်ကန်ကန် လုပ်ပြပြီး ပြန်ဖြေလျှော့ရမှာ ဖြစ်ပါတယ်။ ဂုဏ်သိက္ခာကို ထိန်းသိမ်းရမှာ ဖြစ်ပါတယ်။ ၂ဝ၁ဝ-တုန်းကလိုဘဲ ဆက်ပြီး ကျင့်သုံးမယ်ဆိုရင်တော့ အတော်မိုက်လုံးကြီးရာ ကျပါလိမ့်မယ်။
လွှတ်တော်ကိုယ်စားလှယ်များ အားလုံးဟာ ပြည်သူတွေက ကြိုက်နှစ်သက်တဲ့၊ ပြည်သူတွေက ရွေးချယ်ထားတဲ့၊ ပြည်သူ့ ကိုယ်စားလှယ်စစ်စစ်တွေဖြစ်ဖို့ ဒီတစ်ကြိမ် ရွေးချယ်နိုင်ဖို့ အများကြီး မျှော်လင့်ထားကြပါတယ်။ ဒါမှ ကျွန်တော်တို့ မျှော်မှန်းတဲ့ ဒီမိုကရေစီ နိုင်ငံတော်ကြီး ဆိုတာကို စတင် အစပျိုးနိုင်မှာ ဖြစ်ပါတယ်။
ဒါပေမဲ့ ရွေးကောက်ပွဲဆိုတာကတော့ လက်ရှိအစိုးရနဲ့ အတော်ကို သက်ဆိုင်ပတ်သက်ပါတယ်။ နိုင်ငံတကာကို လှမ်းကြည့်လိုက်ရင် အထူးသဖြင့် ဒီမိုကရေစီနိုင်ငံတွေမှာ လက်ရှိ အစိုးရက ပြည်သူလူထု ထောက်ခံမှု အားအကောင်းဆုံးအချိန်ကိုမှ ရွေးချယ်ပြီး ရွေးကောက်ပွဲကျင်းပတဲ့ အလေ့အထတွေ ရှိတာတွေ့ရမှာ ဖြစ်ပါတယ်။ ကိုယ့်အတွက် နိုင်ခြေနည်းနေတဲ့အချိန်တွေမှာ ရွေးကောက်ပွဲလုပ်လေ့မရှိဘဲ အချိန်ကောင်းကို စောင့်နေတတ်ကြပါတယ်။ ကျွန်တော်တို့ နိုင်ငံအတွက်ကတော့ လက်ရှိအချိန်မှာ အဲဒီလို ရွေးချယ်ပိုင်ခွင့် မရှိနိုင်သေးဘူးလို့ ကျွန်တော့်အနေနဲ့ မြင်ပါတယ်။ လက်ကျန်အချိန်က ခြောက်လလောက်ဘဲကျန်နေတာမို့ပါ။ အကယ်၍များ အချိန်ကောင်းကို စောင့်ဆိုင်းဖို့ ရွေးကောက်ပွဲကျင်းပမဲ့ရက်ကို နောက်ရွေ့လိုက်မယ် ဆိုရင် အများရဲ့ယုံကြည်မှု ရရှိဖို့က ပိုမိုပြီး အလှမ်းဝေးသွားစေမှာ ဖြစ်ပါတယ်။ ကျွန်တော့်အနေနဲ့ကတော့ အဲဒီလို မဖြစ်စေချင်ပါဘူး။ ဖြစ်ခဲ့ရင်တော့ အတော့်ကို ဆိုးဝါးမှုတစ်ခုဘဲ ဖြစ်ပါလိမ့်မယ်။
အခုလာမဲ့ ရွေးကောက်ပွဲကို နိုင်ငံတကာကလည်း အကဲခတ်နေတာ တွေ့ရပါတယ်။ သတင်းဌာနတွေကလည်း ရွေးကောက်ပွဲ အနိုင်အရှုံးထက်စာရင် မျှတ၊ လွတ်လပ်၊ ပွင့်လင်း၊ မြင်သာမှု ရှိ-မရှိ ကို ပိုပြီးအလေးပေး အကဲခတ်ဖို့ ပြင်ဆင်နေတယ်လို့ သိရပါတယ်။
ဒီနှစ်အတွက် ထူးထူးခြားခြား ရှိတာက တစ်ပြည်လုံး လူဦးရေ စာရင်းကို စီမံချက်နဲ့ ကောက်ယူထားတာပါဘဲ။ အရင်က မြန်မာတစ်နိုင်ငံလုံး လူဦးရေ သန်း (၆ဝ) ကျော်မယ်လို့ ခန့်မှန်း ချက်တွေဟာ မှားယွင်းနေတယ်။ ထင်ထားတာထက် လူဦးရေ ကျဆင်းနေပြီး သန်း(၅ဝ) ကျော်ဘဲ ရှိတာတွေ့ရမှာပါ။ ဒီအချက်က အတော် ကောင်းမွန်တဲ့အချက် ဖြစ်ပါတယ်။ အခြေခံ ဥပဒေကို ပြင်ဆင်လိုရင် မဲပေးနိုင်သူအားလုံး၏ ထက်ဝက်ကျော်က မဲပေးထောက်ခံမှ အတည်ပြုနိုင်မယ်လို့ ၂ဝဝ၈ အခြေခံဥပဒေမှာ ပြဌာန်းထားတာဖြစ်လို့ တစ်နိုင်ငံလုံး မဲပေးနိုင်သူဦးရေကို တရားဝင် တွက်ချက်နိုင်မဲ့ အခြေအနေဖြစ်ပါတယ်။
ရွေးကောက်ပွဲဆိုတာက မဲပေးနိုင်တဲ့အသက်အရွယ်ရှိတဲ့ နိုင်ငံသားတိုင်းနဲ့ဆိုင်တာမို့ နိုင်ငံလုံးကျွတ်လှုပ်ရှား ဆောင်ရွက်ရမယ့် လုပ်ငန်းကြီးလည်းဖြစ်ပါတယ်။ မဲဆွယ်စည်းရုံးရေးကာလတွေမှာ အကျိတ်အနှယ် ယှဉ်ပြိုင်ကြတဲ့ပွဲမျိုးဖြစ်ပါတယ်။ အချိန်မရွေး အငြင်းပွါးမှုတွေနဲ့ ပြဿနာဖြစ်နိုင်ပါတယ်။ ကျွန်တော်တို့ ပြည်သူတွေဟာ နှစ်ပေါင်းများစွာ လမ်းညွှန် နှပ်ကြောင်းပေးထားတဲ့ မဲပေးမှုစနစ်အောက်မှာဘဲ မဲပေးခဲ့ကြရတာ များပါတယ်။ ကိုယ့်သဘောနဲ့ကိုယ်၊ ကိုယ်ကြိုက်နှစ်သက်ရာကို လွတ်လွတ်လပ်လပ် မဲပေးခွင့် ရအောင် စီမံဆောင်ရွက်ပေးဖို့ အများကြီးလိုအပ်ပါတယ်။
မြန်မာနိုင်ငံမှာ အခုဆိုရင် တရားဝင် မှတ်ပုံတင်ထားတဲ့ နိုင်ငံရေးပါတီပေါင်း ခုနစ်ဆယ်ကျော် ရှိပါတယ်။ ပါတီတိုင်းကို ရွေးကောက်ပွဲ မဝင်မနေရ၊ အနည်းဆုံး သုံးနေရာ ဝင်ရောက် ယှဉ်ပြိုင်ရမယ်လို့လည်း စည်းကမ်းသတ်မှတ်ထားပါတယ်။ ဒါကြောင့် ပါတီပေါင်း ခုနစ်ဆယ်ကျော်က ဝင်ရောက်ယှဉ်ပြိုင်မဲ့ ရွေးကောက်ပွဲဖြစ်တာမို့ အတော့်ကို စည်ကားမယ်ဆိုရင် မှားမယ် မထင်ပါဘူး။
အခုလာမယ့် ရွေးကောက်ပွဲမှာ ၁၉၉ဝ-ပြည်နှစ် ရွေးကောက်ပွဲတုန်းက ရှစ်ဆယ်ရာခိုင်နှုန်းကျော် အနိုင်ရထားပြီး လွှတ်တော်ခေါ်ယူခွင့် မရခဲ့တဲ့ NLD ပါတီကြီးက တစ်ဖန်ပြန်ပြီး ရွေးကောက်ပွဲကို ပါဝင်ဆင်နွဲဖို့ အခြေအနေများ ရှိနေပါတယ်။ ပြင်ဆင်မှုများလည်း လုပ်နေပါတယ်။ ဒေါ်အောင်ဆန်းစုကြည်ကတော့ ရွေးကောက်ပွဲကို သပိတ်မှောက်နိုင်တဲ့ လမ်းကြောင်းဟာ ရှိနေသေးတယ်လို့တော့ ထုတ်ပြောထားတာ ရှိပေမဲ့ ကျွန်တော့် အယူအဆအရဆိုရင် NLD ဟာ မလွဲမသွေ ရွေးကောက်ပွဲဝင်မှာဖြစ်တယ်လို့ ယူဆပါတယ်။ သူဒီိလိုပြောရတာကလဲ ၂ဝ၁၂-ကြားဖြတ်တုန်းက သူမကိုယ်တိုင် ကြားဖြတ်ရွေးကောက်ပွဲမှာ ဝင်ရောက်ယှဉ်ပြိုင်ခဲ့တယ်။ အဲဒီတုန်းက ဖွဲ့စည်းပုံအခြေခံဥပဒေကို ပြင်ဆင်နိုင်လိမ့်မယ်လို့ အမှန်တကယ် ယုံကြည်ထားခဲ့ ပုံရပါတယ်။
နောက်ပိုင်းမှာတော့ ဖွဲ့စည်းပုံပြင်ဆင်ရေးဟာ ဟိုလိုလို ဒီလိုလိုနဲ့ မရေမရာ ဖြစ်လာတာတွေ့ကြရမှာဖြစ်ပါတယ်။ NLD အနေနဲ့ ဖွဲ့စည်းပုံပြင်ဆင်မှု မရှိဘဲနဲ့ အခုအတိုင်းရွေးကောက်ပွဲကို ဆက်လုပ်သွားမယ်ဆိုရင် တစ်နေ့သောအခါမှာ ပြောစရာဆိုစရာ ခံလာရမှာ ဖြစ်ပါတယ်။ ဒါကြောင့်လည်း ဖွဲ့စည်းပုံပြင်ဆင်မှု မလုပ်ဘဲနဲ့ ရွေးကောက်ပွဲကျင်းပမယ်ဆိုရင် တရားမျှတမှု ရှိမှာ မဟုတ်ဘူးလို့ ဒေါ်အောင်ဆန်းစုကြည်က ထုတ်ဖေါ်ပြောဆို လိုက်တာလို့ ကျွန်တော်တော့ယုံကြည်ထားပါတယ်။ ကျွန်တော့်ဖက်ကလည်း တောကြီးသုံးတောကို တစ်ပြိုင်နက်ဖြတ်သန်း ရမယ်ဆိုပြီး ပြောရတာဟာ အဲဒီအချက်တွေကို ထည့်သွင်း တွက်ချက်ထားလို့ ဖြစ်ပါတယ်။
အမှန်တကယ် ရွေးကောက်ပွဲ ဝင်/မဝင် မဆုံးဖြတ်ရသေးတာက SNLD တစ်ခုထဲ ဖြစ်ပါတယ်။ ဒါကိုအခုမှ ပြောတာ မဟုတ်ပါဘူး။ လွန်ခဲ့တဲ့ ငါးလခြောက်လလောက်ကတည်းက ထုတ်ဖေါ်ပြောကြားထားတာ ဖြစ်ပါတယ်။ ဝင်/မဝင် ဆိုတာကို SNLD အနေနဲ့ နိုင်ငံရေးအရ ဆုံးဖြတ်ချက်ချမှာဖြစ်ပါတယ်။ သို့သော်လည်းဘဲ SNLD အနေနဲ့ ရွေးကောက်ပွဲ အတွက် ပြင်ဆင်မှုတွေကို အခုကစပြီး လုပ်ဆောင်နေပါတယ်။ ရွေးကောက် ပွဲဝင်ဖို့ ပြင်ဆင်မှုက တစ်ပိုင်းဖြစ်ပြီး နိုင်ငံရေးဆုံးဖြတ်ချက်က သတ်သတ် နောက်တစ်ပိုင်းဖြစ်ပါတယ်။
နောက်တစ်ခုက ၂ဝ၁ဝ- ပြည့်နှစ် ရွေးကောက်ပွဲမှာ အများစု အနိုင်ရပြီး လက်ရှိ အာဏာရပါတီလို့ ခေါ်ရမဲ့ ပြည်ခိုင်ဖြိုး ပါတီလည်းဘဲ ၂ဝ၁၅- ရွေးကောက်ပွဲပြန်ဝင်ဖို့အတွက် အလွန်ကို သတိ၊ ဝိရိယ စိုက်ရမယ့် အနေအထား ဖြစ်နေတာပါ။ သူတို့ကတော့ ရွေးကောက်ပွဲ မဝင်လို့ကို မရပါဘူး။ ဘာအကြောင်းပြချက်နဲ့မှ ရှောင်ထွက်လို့ မရပါဘူး။ ဝင်ကို ဝင်ရမှာ ဖြစ်ပါတယ်။
နိုင်ငံတကာက စောင့်ကြည့်နေတဲ့ကြားမှာ ပြည်သူလူထုကြီးရဲ့ တကယ့်ထောက်ခံမှု အစစ်အမှန် ရှိခဲ့တယ်ဆိုတာကို ပြသဖို့ တာဝန်ရှိလာပါတယ်။ ၂ဝ၁ဝ- ရွေးကောက်ပွဲတုန်းက နာမည်ပျက်ခဲ့တာကို ပြန်လည် အဖတ်ဆယ်ဖို့ အထူးလိုနေပါတယ်။
ဒီကြားထဲမှာမှ နောက်ဆုံးထွက်လာတဲ့ သတင်းတွေအရ ဆိုရင် န-ဝ-တ ခေတ်က စစ်ဗိုလ်ချုပ်ကြီးတွေ ဦးဆောင်တဲ့ နိုင်ငံရေးပါတီကြီးတစ်ခု ထူထောင်ထားပြီး ရွေးကောက်ပွဲကော်မရှင်မှာ မှတ်ပုံတင်ထားပြီလို့ဆိုနေကြပါတယ်။ အကယ်၍ အဲဒီသတင်းသာ မှန်ခဲ့ရင် ကြံ့ခိုင်ဖွံ့ဖြိုးရေးပါတီအတွက် အထောက်အကူပြုဖို့ဖြစ်လာမှာလား ဒါမှမဟုတ် ပြိုင်ဖက်ဖြစ်လာမလားဆိုတာ စိတ်ဝင်စားစရာ ဖြစ်လာရပြန်ပါတယ်။
နိုင်ငံတကာကတောင် စိတ်ဝင်တစား စောင့်ကြည့်ရတယ်ဆိုတော့ ကျွန်တော်တို့လို နိုင်ငံသားတွေအဖို့ ပိုပြီးတော့ ဂရုစိုက် အကဲဖြတ် ပါဝင်ဆောင်ရွက်ရမှာ ဖြစ်ပါတယ်။
စောစောက ပြောခဲ့တဲ့ တောကြီးသုံးတောထဲက အခုပြောနေတဲ့ ရွေးကောက်ပွဲကိစ္စဟာ တောတစ်တောသာ ဖြစ်ပါတယ်။ ဘာလို့များ “တောင်” နဲ့ မနှိုင်းယှဉ်ဘဲ “တော” နဲ့ နှိုင်းယှဉ် ရတာလဲလို့ မေးစရာရှိပါတယ်။ တကယ်တော့ တောင်တက်တာက အတော်ရှင်းပါတယ်။ ခက်ခက်ခဲခဲတက် ၊ ထိပ်ရောက်ရင် ပြန်ဆင်း။
ဟောဗျာ … တောဆိုတာက တောင်နဲ့ မတူဘူးခင်ဗျ။ တောနက်လေ မျက်စိလည်လေ၊ ဘေးအန္တရာယ်များလေ၊ အချိန်မရွေး ခြုံခိုတိုက်ခိုက်ခံရနိုင်လေ၊ ထောင်ချောက်နဲ့လည်း တွေ့ဖို့ များလေလေ မဟုတ်လား။ အဆင်မသင့်ရင် နောက်ကြောင်းကိုတောင် ပြန်ရောက်သွားနိုင်တယ်လေ။ တောက ပရိရယ် များတယ်၊ မာယာများတယ်လေ။ အနှောက်အယှက်လည်း ပိုများတယ်လေ။
ကျွန်တော်တို့ ဖြတ်သန်းရမယ့် ရွေးကောက်ပွဲကို အဲဒီ တောနဲ့ နှိုင်းယှဉ်ပြတာဟာ ကျွန်တော်တို့အားလုံး သတိရှိကြစေဖို့ ဆိုချင်တာပါ။ အကယ်၍များ တောချောက်တာ ခံခဲ့ရရင်လည်း သတိရှိရှိ တွန်းလှန်နိုင်အောင်ပါ။ အခက်အခဲတွေ ၊ အန္တရာယ်တွေ ရှိနေတယ်ဆိုတာ သိထားရအောင်လို့ပါ။ အဓိကကတော့ တောလည်ရင်း နောက်ကြောင်းပြန် မရောက်သွားဖို့ ပြောချင်တာပါဗျာ။ ကျွန်တော်တို့ တစ်ချိန်ထဲ တစ်ပြိုင်နက်ထဲ ဖြတ်သန်းရမယ့် တောက “တစ်” တောထဲလဲ မဟုတ်ပါဘူး။ “သုံး” တော တောင်ဖြစ်ပါတယ်။
သိပ်ပြီး ပေါ့ပေါ့ဆဆ ဖြတ်သန်းလို့ မရပါဘူး။ တကယ်ဆိုရင် ကျွန်တော်တို့ဟာ ဝန်နဲ့အား မမျှ နိုင်အောင် ဖြစ်နေတာပါ။ ဒါတောင် ကျွန်တော် မကျွမ်းကျင်လို့ မရေးဘဲထားခဲ့တဲ့ AFTA လို စီးပွါးရေးကိစ္စတွေ၊ ငွေကြေးတန်ဘိုး ကျဆင်းမှုတွေ အများကြီး ကို ချန်ထားခဲ့ပါသေးတယ်။ လယ်ယာမြေကိစ္စတွေ၊ ပညာရေးမူဝါဒ ကိစ္စတွေ မပါသေးပါဘူး။ လက်ငင်းအရေးကြီးတယ်လို့ ထင်ရတဲ့ အကြောင်းအရာ သုံးခုကိုဘဲ မီးမောင်းထိုးပြထားတာဖြစ်ပါတယ်။
ကိုင်း … … နောက်ထပ် တောတစ်တောကို သွားကြရအောင်ပါ။
၂ဝဝ၈ ဖွဲ့စည်းပုံ အခြေခံဥပဒေ ပြင်ဆင်ရေးအတွက် အခုဆိုရင် လွှတ်တော်မှာ ဥပဒေကြမ်းအဖြစ် ရေးသားထားခဲ့ပြီးပြီလို့သိထားပါတယ်။ ဒါပေမဲ့ ဆွေးနွေးတဲ့ အဆင့်ကို ရောက်လာတာ မတွေ့ရသေးပါဘူး။ ပြည်သူလူထုရဲ့ သဘောထားကို ကောက်ခံတာ၊ မေးမြန်းတာတွေလည်း မရှိသေးပါဘူး။ လွှတ်တော် ဥပဒေကြမ်းကော်မတီက ရေးထားတဲ့ အခြေအနေဘဲ ရှိပါသေးတယ်။ လူထု ငါးသန်းနီးပါးလက်မှတ်ရေးထိုး တောင်းဆိုထားတဲ့ ပုဒ်မ-၄၃၆ ကို ပြင်ဆင်ဖို့ ဆွေးနွေးတဲ့အထဲမှာ ထည့်သွင်းထားတယ်ဆိုတဲ့ သတင်းတွေ ထွက်ပေါ်နေပေမဲ့ အတည်မပြုနိုင်သေးပါဘူး။ လွှတ်တော်မှာ အခြေအတင် ဆွေးနွေးကြအုန်းမှာမို့ အဲဒီ အခါမှ သိကြရမှာ ဖြစ်ပါတယ်။
သိရုံဘဲ သိရမှာပါ ။ ပြည်သူတွေဖက်က ဘာမှ ဝင်ရောက် ဆွေးနွေးရမှာ မဟုတ်ပါဘူး။ လွှတ်တော်က အခြေအတင် ဆွေးနွေးကြပြီး မဲခွဲဆုံးဖြတ်ကြ၊ နောက်ဆုံးအတည်ပြုတော့မှ ပြည်သူလူထုကြီးက မိမိပိုင်တဲ့မဲနဲ့ လက်ခံမလား/ လက်မခံဘူးလား ဒါဘဲ ပြသခွင့်ရပါလိမ့်မယ်။
တကယ်တော့ နိုင်ငံတော်ကို အုပ်ချုပ်တဲ့ ဥပဒေဖြစ်တဲ့ ဖွဲ့စည်းပုံ အခြေခံဥပဒေဆိုတာဟာ ပြည်သူလူထုနဲ့ အဲဒီပြည်သူ လူထုရဲ့ ကိုယ်စားလှယ်ဖြစ်တဲ့ အစိုးရတို့အကြား သဘောတူထားတဲ့ နိုင်ငံရေး ပဋိဉာဉ် တစ်ခုသာ ဖြစ်ပါတယ်။
၂ဝဝ၈-တုန်းက ပြည်သူလူထု အများစုရဲ့ ဆန္ဒမဲနဲ့ ထောက်ခံအတည်ပြုခဲ့တယ်လို့ ဆိုပေမဲ့ တကယ်တမ်းမှာ စောဒက တက်စရာတွေ အများကြီး ရှိခဲ့ပါတယ်။ မေးခွန်းထုတ်စရာတွေ တပုံတပင်ကြီး ကျန်နေရစ်ခဲ့တာပါ။ ပြည်သူလူထု အနေနဲ့ ထောက်ခံဖို့ /ကန့်ကွက်ဖို့ ဆိုတာ အဲဒီအခြေခံဥပဒေကို သေသေချာချာ ဖတ်ခွင့်၊ အချင်းချင်းတွေ့ဆုံ မေးမြန်းဆွေးနွေးခွင့်တွေ အမှန်တကယ်လိုခဲ့တာပါ။ အဲဒီတုန်းက မူကြမ်းစာအုပ် ပုံနှိပ်ထုတ်ဝေမှုကို ကြည့်လိုက်ရင် အလွန့်အလွန် နည်းလှပါတယ်။ တစ်သောင်းလောက်ဘဲ ဖြန့်ဝေခဲ့တယ်လို့ သိထားပါတယ်။ ဆိုချင်တာက ပြည်သူအများစုကြီးဟာ အခြေခံဥပဒေကို မမြင်မတွေ့ ၊ မဖတ်ရှုလိုက်ရဘဲ၊ မသိရှိဘဲ၊ နားမလည်လိုက်ဘဲ မဲထည့်ခဲ့ ရတယ်လို့ ဆိုချင်တာပါ။
အထက်မှာပြောခဲ့သလိုဘဲ ပြည်သူလူထုကြီးက မဲပေး ဆုံးဖြတ်တယ် ဆိုပေမဲ့ သူတို့ မဖတ်ဖူးခဲ့ဘဲ (ဘာမှန်းမသိခဲ့ဘဲ) မဲပေးခဲ့ရတာ ဖြစ်ပါတယ်။ ပိုဆိုးတာက သမိုင်းတွင်တဲ့ နာဂစ်လို မုန်တိုင်းဒဏ်ခံရတဲ့ ဘေးဒုက္ခကြီး ဆိုက်ရောက်နေတဲ့ ကာလမှာတောင် ဆိုင်းငံ့မထားနိုင်ဘဲ ဆန္ဒခံယူပွဲကို ဇွတ်လုပ်ခဲ့တာဖြစ်ပါတယ်။ မကြာပါဘူး။ နာဂစ်ဒေသ ဧရာဝတီတိုင်းရဲ့ ထောက်ခံမှုကိုလည်း ရရှိပါတယ်ဆိုပြီး ထုတ်ပြန်လာတော့ လူထုအတွက် ယုံကြည်ဖို့ ခက်ပြီး ပြောစရာတွေ မေးခွန်းထုတ်စရာတွေ ဖြစ်ကျန်ခဲ့ပါတယ်။
နောက်ပြီး လက်တွေ့ အသုံးပြုခဲ့တဲ့ကာလ နှစ်အနည်းငယ်အတွင်းမှာ ချို့ယွင်းချက်တွေ၊ အားနည်းချက်တွေကို တွေ့လာရပြန်တယ်။ အဲဒီနေရာမှာ ဒီအခြေခံဥပဒေကို ပြင်ဆင်ဖို့ လိုအပ်ပြီ ဆိုတာကို အားလုံးက လက်ခံလာတာ ကောင်းသော လက္ခဏာ တစ်ခုဖြစ်လာပါတယ်။ အစိုးရပိုင်းကရော၊ လွှတ်တော် အပိုင်းကရော၊ နိုင်ငံရေးပါတီတွေကရော၊ လက်နက်ကိုင် ငြိမ်းချမ်းရေး အပစ်ရပ်ထားတဲ့ အဖွဲ့အစည်းတွေရော၊ အားလုံးက အဲဒီအချက်ကို ငြင်းပယ်သူမရှိ လက်ခံလာကြတာ ဖြစ်ပါတယ်။
နိုင်ငံရေးလောကမှာ အခြေခံဥပဒေ ပြင်ဆင်ရေးနဲ့ ပတ်သက်ပြီး တစ်ချို့က အစိုးရနဲ့ ပေါင်းပြီးပြင်တာမှန်တယ်။ တစ်ချို့က တိုက်ပွဲဝင်ပြီး ပြင်ဆင်မှ မှန်တယ်ဆိုပြီး အငြင်းပွါးကြတာ ရှိပါတယ်။ တစ်ဦးနဲ့တစ်ဦး အပြစ်တွေ တင်ကြပြောကြပါတယ်။ “ပေါင်းပြင်” နဲ့ “တိုက်ပြင်” ဆိုပြီး ခွဲခြားပြောကြပါတယ်။ အတွေးအခေါ် တစ်ရပ်လို ဆိုနိုင်ပါတယ်။
လူအတော်စုံတဲ့ ဆွေးနွေးပွဲတစ်ခုမှာ အဲဒီ ပေါင်းပြင်နဲ့ တိုက်ပြင်ကိစ္စမှာ ခင်ဗျားတို့ UNA က ဘာလဲ၊ ဘယ်လိုလဲလို့ မေးလာတော့ ကျွန်တော်က ကျွန်တော်တို့ UNA ကတော့ ပေါင်းပြင်ဖို့လည်း မရှိဘူး။ တိုက်ပြင်ဖို့လည်း မရှိဘူး လို့ပြောလိုက်တော့ ဒါဆိုဘယ်လိုပြင်မှာတုန်းလို့ ဝိုင်းမေးကြတယ်။
ကျွန်တော်က “နွေးပြင်” မှာဗျ။ လို့ပြောလိုက်တော့ ကြောင်တောင်တောင်တွေ ဖြစ်သွားတယ်။ နောက်တော့မှ ကျွန်တော်က ပြန်ရှင်းပြရတယ်။ အားလုံးတွေ့ဆုံဆွေးနွေးပြီး သဘောတူညီမှုနဲ့ ပြင်မှာမို့ “နွေးပြင်” လို့ပြောလိုက်တာလို့ ရှင်းပြရတယ်။ အားလုံးသဘောကျကြပါတယ်။ တကယ်တမ်း စဉ်းစားကြည့်တော့ တိုက်ပွဲပုံစံ အမျိုးမျိုးနဲ့ ပြင်ဆင်ရေး ကြိုးစားသူတွေ ရှိနေပါတယ်။ လွှတ်တော်ထဲဝင်ပြီး ပေါင်းသင်း ဆက်ဆံ ပြင်ဆင်ဖို့ ကြိုးစားကြတာတွေလည်း ရှိပါတယ်။ လက်တွေ့မှာတော့ ဘယ်တစ်ခုမှ အောင်မြင်နိုင်ခြေ မရှိခဲ့ပါဘူး။ တကယ်တမ်းပြောရရင်လဲ ကျွန်တော်ပြောခဲ့တဲ့ နွေးပြင်ဆိုတာလဲဘဲ ခုထိ မဖြစ်နိုင်သေးပါဘူး။
ကျွန်တော်ယုံကြည်တာကတော့ နိုင်ငံရေး ပဋိဉာဉ် တစ်ခု ရအောင် နိုင်ငံရေးဆွေးနွေးပွဲတွေက တဆင့် ကြိုးစားယူတာ ပို ကောင်းတယ်လို့ ယူဆပါတယ်။ ဒီအချက်အပေါ် အယူအဆကွဲပြားတာတွေလည်း ရှိပါတယ်။ လက်တွေ့မှာ နိုင်ငံရေးဆွေးနွေးပွဲဆိုတာ အင်မတန်မှ နည်းလွန်းပါတယ်။ ခက်ခဲလွန်းပါတယ်။ ပိုဆိုးတာက “အားလုံး ပါဝင်သော” ဆွေးနွေးပွဲမျိုး ဖြစ်ချင်တော့ ပိုခက်ပါတယ်။
သို့သော်လည်း ကြာတောင့်ကြာရှည် ပြည်တွင်းစစ်ကြီး ရပ်စဲသွားအောင်၊ နှစ်ပေါင်းများစွာဖြစ်ခဲ့တဲ့ တိုင်းရင်းသားအရေး ဖြစ်တဲ့ အမျိုးသားပြန်လည်သင်မြတ်ရေး ဖြစ်လာအောင် ဆိုရင် နိုင်ငံရေး ဆွေးနွေးပွဲက အကောင်းဆုံး အခင်းအကျင်းလို့ ကျွန်တော့တော့ ယုံကြည်ထားပါတယ်။
ခက်တာကတော့ ခက်မှာပါဘဲ။ မလွယ်ဘူးဆိုတာလဲ သိနေကြတာပါဘဲ။ သို့သော်လည်း သွေးထွက်နည်းမယ်။ ပျက်စီးဆုံးရှုံးမှုနည်းမယ်။ တွေ့ဆုံဆွေးနွေးပြီး ဖြေရှင်းတယ်ဆိုတဲ့ နိုင်ငံရေး ယဉ်ကျေးမှုတစ်ရပ်ကို ထူထောင်နိုင်မယ်။ ကျွန်တော်တို့နိုင်ငံရေး သမိုင်း တစ်လျှောက်မှာ အချင်းချင်း တွေ့ဆုံဆွေးနွေး အဖြေရှာတတ်တဲ့ ယဉ်ကျေးမှုကို ထူထောင်ထားသင့်ပြီလို့ ကျွန်တော်တော့ ယုံကြည်ထားပါတယ်ဗျာ။
အားလုံးပါဝင်တဲ့ နိုင်ငံရေးဆွေးနွေးပွဲကြီးကနေ ရလာမဲ့ သဘောတူညီချက်တွေဟာ “နိုင်ငံရေး အခြေခံမူ” တွေဖြစ်လာမှာမို့ အဲဒီအချက်တွေအပေါ် အခြေခံပြီး ဖွဲ့စည်းအုပ်ချုပ်ပုံ အခြေခံဥပဒေကို ရေးသားအတည်ပြုရမယ်လို့ ယုံကြည်ပါတယ်။
အခုလို ဟိုနားနည်းနည်းပြင်၊ ဒီနားနည်းနည်း မွမ်းမံ လုပ်ရုံနဲ့တော့ အမျိုးသားပြန်လည်သင့်မြတ်ရေး၊ ပြည်တွင်းငြိမ်းချမ်းရေးတွေကို တည်ဆောက်နိုင်မှာ မဟုတ်ဘူးလို့ ထင်ပါတယ်။ ဆေးမြီးတိုသဘောလောက်နဲ့ ကုသလို့ မရနိုင်တော့ဘူး ဆိုတာ အားလုံးလက်ခံနိုင်လောက်ပါလိမ့်မယ်။
အရှေ့တောင်အာရှ အားကစားပွဲကို တက်ရောက်လာတဲ့ စင်္ကာပူဝန်ကြီးချုပ် လီရှန်လွန်းဟာ နေပြည်တော်တစ်ဝိုက် လှည့်ကြည့်ခဲ့တယ်။ သူ့မှတ်ချက်က “သူ့မြင်ကွင်းတွေဟာတဲ့ ဟိုးလွန်ခဲ့တဲ့ နှစ်ငါးဆယ်လောက်က မလေးရှားနဲ့ စင်္ကာပူက မြင်ကွင်းမျိုးကို ပြန်လည်မြင်ယောင်မိတယ်” လို့ မှတ်ချက်ပြုကြောင်း ဖတ်လိုက်ရဖူးပါတယ်။ ပြောချင်တာက မလေးရှားနဲ့စင်္ကာပူတို့ဟာဆိုရင် အများကြီးတိုးတက်သွားပြီး မြန်မာက အများကြီးနောက်ကျကျန်နေပြီ လို့ပြောချင်ပုံရပါတယ်။ အဲဒီ နေပြည်တော်နား တစ်ဝိုက်က လူငယ်တွေ မလေးရှားမှာသွား အလုပ်လုပ်နေကြတာလဲ လူတိုင်းအသိဘဲ ဥစ္စာ ။
ကျွန်တော် ဆိုလိုချင်တာက ရှေးရိုးဟောင်း နည်းဖြစ်တဲ့ အပြုတ်တိုက်နည်းနဲ့ ဆက်သွားလို့ မရနိုင်တော့ပါဘူး။ ကိုယ့် အချင်းချင်းဘဲဗျာ။ အဲဒီ ကိုယ့်အချင်းချင်းဆိုတဲ့ (အမှန်တကယ်) စိတ်ထားနဲ့ တွေ့ဆုံ ဆွေးနွေးကြတော့ ဘာများနာကျင်စရာ ရှိမလဲဗျာ။ ကိုယ့်အချင်းချင်းအပေါ်မှာ နိုင်ငံရေးနည်းနဲ့ တိုက်ခိုက်တာတွေ၊ စစ်ရေးနည်းနဲ့ တိုက်ခိုက်တာတွေ၊ စီးပွါးရေးနည်းနဲ့ တိုက်ခိုက်တာတွေ၊ ဘာသာရေးနဲ့ တိုက်ခိုက်တာတွေ၊ တိုက်ခိုက်တာတွေ မှန်သမျှ ရပ်ဆိုင်းသင့်တဲ့ “အချိန်” နဲ့ “အခါ” ကိုရောက်နေပါပြီ။
ကျွန်တော်တို့ဟာ နိုင်ငံတော်နဲ့ ပတ်သက်လာရင် ဘယ်လောက်သဘောထားကြီးကြသလဲ၊ ဘယ်လောက် ရင့်ကျက်ကြသလဲ၊ ဘယ်လောက် အနစ်နာခံနိုင်ကြသလဲ ဆုံးဖြတ်ဖို့လိုလာပါပြီ။
ကျွန်တော့်တို့ ပါတီအနေနဲ့ တစ်ခြား မိတ်ဆွေပါတီတွေနဲ့ တိုင်ပင်ပြီး “ငြိမ်းချမ်းရေးအတွက် ယုံကြည်မှုတည်ဆောက်ခြင်း” ဆိုတဲ့ ခေါင်းစဉ်နဲ့ ဆွေးနွေးပွဲတွေ လုပ်ခဲ့ပါတယ်။ ကိုယ့်တစ်နိုင် တစ်ပိုင်ပေါ့ဗျာ။ လားရှိုးမှာ တစ်ကြိမ်လုပ်ပါတယ်။ တောင်ကြီးမှာလည်း နောက်တစ်ကြိမ်လုပ်ပါတယ်။ နိုင်ငံရေးပါတီတွေ၊ အပစ်ရပ် လက်နက်ကိုင်အဖွဲ့အစည်းတွေ၊ အရပ်ဖက် အဖွဲ့ အစည်းတွေ အများအပြားတက်ရောက်ကြပါတယ်။ ပြည်တွင်း ပြည်ပ လေ့လာသူ အပါအဝင် အားလုံးပေါင်း (၄၄) ဖွဲ့တက်ရောက် ဆွေးနွေးကြတယ်။
နောက်တစ်ခါ တောင်ကြီးမှာကြတော့ (၇ဝ) လောက် တက်ခဲ့တယ်။ လက်နက်ကိုင်ထဲက KNU, UWSA, RCSS စသဖြင့် တက်ခဲ့ပြီး နိုင်ငံရေးပါတီတွေထဲမှာတော့ တစည ၊ အမျိုးသား ဒီမိုကရေစီ အဖွဲ့ချုပ် လိုမျိုးကအစ ၈၈-မျိုးဆက် ငြိမ်း/ပွင့် လို အဖွဲ့အစည်းအဆုံး အတော်စုံစုံလင်လင် လာကြပါတယ်။ အစိုးရ ဖက်ကလည်း ပြည်ထောင်စုဝန်ကြီးတွေကိုယ်တိုင် လာကြပါတယ်။
ဒါပေမဲ့ ကျွန်တော်တို့က အစိုးရမဟုတ်တော့ သဘောတူညီမှုတွေ မယူနိုင်ခဲ့ကြပါဘူး။ အတော်များများက သဘောကျပေမဲ့ အကျိုးအမြတ်က ဘာလဲလို့ မေးကြတာ ရှိခဲ့ပါတယ်။
ကျွန်တော်ရှင်းပြပါတယ်။
“ဘေးထွက်ကောင်းကျိုး” ဆိုတဲ့ စကားလုံးကို သုံးပြီး ရှင်းပြခဲ့တယ်။ အများက ဘေးထွက်ဆိုးကျိုးဘဲ သိကြတာဗျ။ ဘေးထွက်ကောင်းကျိုးကို သိပ်မသိကြဘူး။ မမြင်ကြဘူးခင်ဗျ။ ကျွန်တော်တို့ ဆွေးနွေးကြတော့ တစ်ဖွဲ့ရဲ့သဘောကို တစ်ခြားတစ်ဖွဲ့က သိရှိနားလည်လာနိုင်ပါတယ်။ ဆွေးနွေးပွဲအချိန် ပြင်ပ လက်ဖက်ရည်သောက်တဲ့အချိန်၊ လမ်းလျှောက်နားချိန်၊ ညစာစား ချိန်တွေမှာ တစ်ဖွဲ့နဲ့တစ်ဖွဲ့ ၊ တစ်ဦးနဲ့ တစ်ဦး တွေ့ဆုံနိုင်တယ်ဗျာ။ စကားစမြီ ပြောနိုင်တယ်ဗျာ။ မိတ်ဆက်နိုင်တယ်ဗျာ။ လိပ်စာယူပြီး နောက်ပိုင်းမှာ ဆက်သွယ်နိုင်တယ်ဗျာ။ နှစ်ဖက် ဒါမှမဟုတ် သုံးဖက် သဘောတူရင် နိုင်ငံရေးကိစ္စ စကားပြောနိုင်တယ်ဗျာ။
ကျွန်တော်တို့ ဖိတ်ကတည်းကိုက စာထဲ ထည့်ရေးထားခဲ့ပါတယ်။ မိမိကလည်း ဆွေးနွေးချင်တာကို ဆွေးနွေးနိုင်သလို တစ်ခြားအဖွဲ့အစည်းများရဲ့ ဆွေးနွေးချက်များကိုလည်း လေးလေးစားစား နားထောင်သွားဖို့ တိုက်တွန်းထားပြီးသားပါဗျာ။
အဲဒီတော့ ကျွန်တော်ပြောတဲ့ “ဘေးထွက်ကောင်းကျိုး” ဆိုတာ အမှန်တကယ် ရှိခဲ့ပါတယ်။ အကောင်အထည် ပြစရာမလိုပါဘူး။ သက်သေပြစရာမလိုပါဘူး။ နိုင်ငံရေးလောကက လူတွေ၊ အဖွဲ့အစည်းတွေ ဘယ်မှာတွေ့ဆုံပြီး ဘယ်မှာ ရင်းနှီးခဲ့ကြသလဲဆိုတာက နောင်တစ်ချိန်မှာ သက်သေတွေဖြစ်မှာပါ။
အဲဒီနောက်ပိုင်းမှာတော့ ကျွန်တော်တို့ ပုံစံပြောင်းခဲ့ကြတယ်။ UNA ကို အခြေတည်ပြီး UNA နှင့် မိတ်ဖက်အဖွဲ့အစည်းများ ဆွေးနွေးပွဲဆိုပြီး လုပ်ကြတယ်။ အဲဒီမှာလည်း နည်းပရိရာယ် တစ်မျိုးကို ကျင့်သုံးခဲ့တယ်။ မိမိတို့အဖွဲ့အစည်းတစ်ခုချင်းစီရဲ့ သီးခြား ပြဿနာများကို မဆွေးနွေးဘဲ ယနေ့ နိုင်ငံတော်အတွက် လိုအပ်ချက်၊ ရင်ဆိုင်နေရတဲ့ အခက်အခဲတွေ၊ ဖြေရှင်းနိုင်မယ့် နည်းလမ်းတွေ၊ ဆောင်ရွက်နိုင်မဲ့ အကြံပြုချက်တွေကိုသာ အဓိကထားဆွေးနွေးကြဖို့ တိုက်တွန်းခဲ့ပါတယ်။ အကြံပြုချက်တွေဟာလည်း လက်တွေ့အသုံးပြုနိုင်တဲ့ အကြံပြုချက်များ ဖြစ်ဖို့လည်း အသေအချာ ရေးသားတိုက်တွန်းထားခဲ့ပါတယ်။
ဆွေးနွေးပွဲတွေက အထိုက်အလျှောက် အောင်မြင်ပါတယ်။ ထင်သလောက်တော့ အကြံဉာဏ်ကောင်းတွေ မရခဲ့ပါဘူး။ သို့သော်လည်းဘဲ ကျွန်တော်တို့ တတ်နိုင်သလောက်တော့ လုပ်ခဲ့ကြပါတယ်။ လုပ်နေဆဲလည်း ဖြစ်ပါတယ်။
အဲဒီမှာ ထူးခြားမှုတစ်ခုကို တွေ့ရပါတယ်။ အဖွဲ့အစည်းတွေဟာ ကိုယ့်အဖွဲ့အစည်းရဲ့ အကျိုးစီးပွါးနဲ့ ကိုယ့်ပြဿနာတွေကိုဘဲ ရှေ့တန်းတင် ပြောဆို ဆွေးနွေးလေ့ရှိတာကို ကျွန်တော် သတိထားမိခဲ့တယ်။ အဲဒီအချက်ကို ဖျောက်ထားနိုင်ခဲ့ရင် ချန်ထားနိုင်ခဲ့ရင် ဒါမှမဟုတ် ကျော်လွှားနိုင်ခဲ့ရင် ကောင်းကျိုး တစ်ခုခုတော့ ရနိုင်တယ် ဆိုတဲ့ အယူအဆ ကျွန်တော့်ရင်ထဲမှာ ကိန်းအောင်းလာခဲ့တယ်။
တကယ်လဲဘဲ ကိုယ့်အဖွဲ့အစည်းတစ်ခုထဲရဲ့ ကိစ္စ၊ ပြဿနာ နဲ့ ကိုယ်ဖြစ်ချင်တာ တစ်ခုထဲကို မပြောဘဲ လက်ရှိ နိုင်ငံတော်မှာ ဖြစ်နေတဲ့ အခက်အခဲ အကြပ်အတည်းတွေကိုဘဲ အာရုံပြု ဆွေးနွေးဖြေရှင်းမယ်ဆိုရင် အောင်မြင်မှုနားကို ကျွန်တော်တို့ ချည်းကပ်နိုင်လိမ့်မယ်လို့ ကျွန်တော့်လက်တွေ့ လုပ်ဆောင်ချက်တွေအရ လေးလေးနက်နက် ယုံကြည်ထားပါတယ်။ ဒါမှ လမ်းမှန်ပေါ်ကို ရောက်ရှိနိုင်မယ်လို့ ထင်ပါတယ်။
ကိုင်း ဒါဆိုရင် ဖွဲ့စည်းပုံအခြေခံဥပဒေ ပြင်ဆင်ရေးကိစ္စမှာ ကျွန်တော်ပြောတဲ့ “နွေးပြင်”ဆိုတာ လက်တွေ့ပိုပြီးကျ ပါတယ်လို့ အဆွယ်တရားဟောလိုက်ချင်ပါတယ်။
ကျွန်တော်တင်ပြခဲ့သလို လွှတ်တော်ကသာ အခြေအတင် ဆွေးနွေးပြီး အခြေခံဥပဒေ ပြင်ဆင်ရေး ဥပဒေကို အတည်ပြု နိုင်ခဲ့ရင် ( တိုင်းပြည်ရဲ့ အမှန်တကယ်လိုအပ်ချက်လည်း ဖြစ်တာမို့ ပြင်ဆင်ရေးကို လွှတ်တော်က အတည်ပြုနိုင်လိမ့်မယ်လို့ မျှော်လင့်ထားပါတယ်) ပြည်သူလူထုထံ ဆန္ဒခံယူပွဲ ကျင်းပပြီး သဘောထား ခံယူရပါတော့မယ်။ ၂ဝဝ၈ - အခြေခံဥပဒေအရ မဲပေးနိုင်ခွင့်ရှိသူ အားလုံးရဲ့ ထက်ဝက်ကျော်က ထောက်ခံမှ အတည်ဖြစ်မှာပါ။
အလွန် အင်မတန်ကို ပြင်ရခက်အောင် လုပ်ထားခဲ့တာပါ။ အဲဒီလောက်တောင် တင်းကြပ်ခဲ့တော့ ကိုယ်ကိုယ်တိုင် ပြင်ချင်တဲ့ အချက်တွေကိုတောင် ပြန်ပြီး ပြင်ဖို့အခက်အခဲ ဖြစ်နေတော့တာပေါ့။ စကားပုံတစ်ခုလို ‘ကိုယ့်ရှုးကိုယ်ပတ်’ ဆိုတာမျိုးဖြစ်ကုန်တာပေါ့။ ကိုယ့်ရှုးကိုယ်ပတ်တာက အဓိက ပြဿနာမဟုတ်ပါဘူး။ နိုင်ငံတော်အတွက်ကသာ အဓိက ပြဿနာဖြစ်လာရတာပါ။ ပြည်သူလူထုအတွက်သာ အကြပ်အတည်း ဖြစ်လာရတာပါ။
အမြော်အမြင် ရှိမှု /မရှိမှု က စကားပြောခဲ့တာ ဖြစ်ပါတယ်။ ရင့်ကျက်မှု လိုအပ်ချက် ဖြစ်ပါတယ်။
တစ်ဖက်ကို တင်းကြပ်ဖို့ဘဲ အားသန်ခဲ့တော့ ကိုယ့်ကိုလည်း ပြန်ကြပ်မဲ့ ကိစ္စကို မေ့လျှော့ခဲ့ဟန်တူပါတယ်ဗျာ။
လူထုဆန္ဒခံယူဖို့ဆိုတာ နိုင်ငံတော်က ကြီးမှူးကျင်းပမှ ဖြစ်နိုင်တာပါ။ ငွေကုန်ကြေးကျ အလွန်များပါတယ်။ အုပ်ချုပ်ရေး၊ စီမံခန့် ခွဲရေး၊ လုံခြုံရေးကအစ အစစအရာရာ လိုအပ်ပါတယ်။ ဥပဒေ၊ နည်းဥပဒေတွေ လိုအပ်ပါတယ်။ တစ်ခြားအလုပ်တွေကို ပစ်ထားရမှာမို့ အဖိုးတန် အချိန်တွေကို အသုံးချရမှာ ဖြစ်ပါတယ်။
ကဲဗျာ … အဲဒီ တောကြီးကို ကျွန်တော်တို့ မဖြစ်မနေ ဖြတ်သန်းကြရပါလိမ့်မယ်။ အားမွေးထားကြပေတော့ဗျို့ ။
ကိုင်း … နောက်ထပ် ဖြတ်သန်းရမဲ့ တောကြီးတစ်တော အကြောင်းပြောကြရအောင်ပါ။
လွတ်လပ်ရေးရပြီး လပိုင်းအတွင်းမှာဘဲ စတင်ခဲ့တဲ့ ပြည်တွင်းစစ်မီးဟာ အခုတိုင်အောင် တစ်မျိုးပြီးတစ်မျိုး မရိုးနိုင်ရလေအောင် ဆင်နွဲခဲ့ကြရတယ်။ ဆင်နွဲနေရဆဲလည်း ဖြစ်ပါတယ်။ လက်နက်ကိုင် အဖွဲ့အစည်းတွေဟာ တဖြည်းဖြည်းနဲ့များ နည်းသွားမလား ထင်ခဲ့ရပေမဲ့ ကြာလေများလေ ကြာလေများလေ ဖြစ်ခဲ့တယ်။ ဗကပ တွေရဲ့ လက်နက်ကိုင်လမ်းစဉ် ပြိုကွဲသွားပြီး နောက်ပိုင်းမှာ တိုင်းရင်းသားလူမျိုးစုတွေရဲ့ လက်နက်ကိုင်တပ်ဖွဲ့ တွေက ပိုလို့တောင်များလာကြပါတယ်။ မြန်မာ့ငြိမ်းချမ်းရေးစင်တာရဲ့ ပြုစုထားတဲ့ကိန်းဂဏန်းတွေအရဆိုရင် မြန်မာပြည်တစ်ဝှမ်းမှာ လက်နက်ကိုင် အဖွဲ့အစည်းစုစုပေါင်း ငါးထောင်ကျော် ရှိတယ်လို့ ဆိုပါတယ်။ သူတို့စာရင်းတွေက အစိုးရ အကူအညီနဲ့ ပြုစုထားတာမို့ မှန်ကန်တဲ့ ကိန်းဂဏန်းတွေလို့ သတ်မှတ် နိုင်ပါတယ်။
အခုအချိန်ကြမှ ဘယ်သူ့အမှားကြောင့်လို့ အဖြေမရှာလိုတော့ပါဘူး။ သမိုင်းဆရာတွေရဲ့ တာဝန်အဖြစ်နဲ့ ချန်ထားပေးတာ ပိုသင့်လျှော်မယ်လို့ ထင်မိပါတယ်။
လောလောဆယ် ကျွန်တော်တို့ ကြိုးစားအားထုတ်ရမှာက နှစ်ပေါင်းများစွာ ပစ်ခတ်တိုက်ခိုက်လာတာတွေကို ရပ်ဆိုင်းပြီး နိုင်ငံရေးဆွေးနွေးပွဲ စတင်ကျင်းပနိုင်ကြဖို့ ဖြစ်ပါတယ်။
တစ်ချို့ကြတော့လည်း ပစ်ခတ်တိုက်ခိုက်နေဆဲမှာဘဲ တွေ့ဆုံဆွေးနွေးကြ။ သဘောတူရင် ပစ်တာခတ်တာ ရပ်ဆိုင်းလိုက် ဆိုတဲ့ သဘောထားတွေလည်း ရှိထားပါတယ်။
ပါတီတစ်ချို့ကတော့ အမြန်ဆုံး အပစ်အခတ်ရပ်စဲစေချင်လို့ အတင်းအကြပ် တိုက်တွန်းနေကြတာလဲ ရှိပါတယ်။ ဒါကိုတော့ ကျွန်တော်သဘောမတူနိုင်ပါဘူး။ ဆေးမြီးတိုကိုမကြိုက်ပါဘူး။ ခေတ္တခဏ အပစ်ရပ်တာမျိုးထက် တာရှည်/ကြာရှည်ခံတဲ့ အပစ်ရပ်မျိုးကို လိုလားပါတယ်။ ဖြစ်နိုင်ရင် အမြဲတမ်း အပစ်ရပ်တာမျိုးကို ဖြစ်စေချင်ပါတယ်။ အဲဒီလို ဖြစ်ဖို့ဆိုရင် လက်နက်ကိုင် အဖွဲ့အားလုံးက ကြေကြေလည်လည် ဆွေးနွေး သဘောတူကြပြီးမှအပစ်ရပ်တာ ပိုပြီး သဘာဝကျသလို ပိုပြီး အကျိုးသက်ရောက်မှု ရှိနိုင်ပါလိမ့်မယ်။ အဲဒီလို ကြာရှည်တဲ့ အပစ်ရပ်မှုမျိုးမှ တစ်ဖွဲ့နဲ့တစ်ဖွဲ့ ယုံကြည်မှုတည်ဆောက်ချိန် အလုံအလောက်ရမှာ ဖြစ်ပါတယ်။
၂ဝ၁ဝ နောက်ပိုင်းမှာ အစိုးရဖက်က သဘောထားပြောင်းမှုတစ်ချို့ရှိခဲ့တယ်။ အစိုးရတစ်ဖွဲ့လုံးလည်း ဖြစ်ချင်လဲဖြစ်မယ်။ မဖြစ်ချင်လဲ မဖြစ်ပါဘူး။ အဲဒါကတော့ win-win ပေါ်လစီကို လက်ခံလာတာဖြစ်တယ်လို့ ကျွန်တော်ယူဆပါတယ်။ လက်ရှိ အခြေအနေကလည်း အဲဒီလိုလမ်းကြောင်းသာလျှင် အကောင်းဆုံးလို့ ဖေါ်ပြနေပါတယ်။ အစိုးရ ကိုယ်စားလှယ်တွေက လက်ခံဆွေးနွေးကြတော့ ပြည်နယ်အဆင့်၊ ပြည်ထောင်စုအဆင့် ဆိုပြီး နှစ်ဖက်စလုံး အပစ်ရပ်လက်မှတ်တွေ ရေးထိုးနိုင်ခဲ့တယ်။
မြန်မာအစိုးရ အဆက်ဆက်အနက် အခုအစိုးရအနေနဲ့ အောင်မြင်မှု ရတယ်လို့ ပြောရမဲ့ ပွဲတွေ ဖြစ်ပါတယ်။ အဲဒီအကျိုးဆက်တွေအနေနဲ့ လက်နက်ကိုင်အဖွဲ့အစည်းတွေ မြို့ပေါ်တက်လာနိုင်ပြီး အစိုးရပိုင်းနဲ့ရော၊ နိုင်ငံရေးပါတီအပိုင်းတွေနဲ့ပါ တွေ့ဆုံမှုတွေ လုပ်နိုင်ခဲ့ပါတယ်။
မြန်မာ့ ငြိမ်းချမ်းရေး စင်တာ (MPC) တစ်ခုကို ပညာရှင်တွေနဲ့ ဖွဲ့စည်းပြီး UPCC \ UPWC ငြိမ်းချမ်းရေးဆွေး နွေးပွဲကိုယ်စားလှယ်အဖွဲ့ကို ဖွဲ့စည်းပြီး တိုင်းရင်းသား လက်နက်ကိုင် အဖွဲ့အစည်းတွေ (EAO’s) နဲ့ ဆွေးနွေးခဲ့ကြတယ်။
အခက်အခဲပေါင်းများစွာကို ကျော်ဖြတ်နိုင်ခဲ့ကြတယ်။ ဆွေးနွေးပွဲတွေထဲမှာ အစောဆုံး သဘောတူခဲ့ကြတဲ့ အထဲမှာ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးလက်မှတ် ရေးထိုး အတည်ပြု နိုင်ခဲ့ရင် အဲဒီလက်မှတ်ရေးထိုးတဲ့ နေ့ကစပြီး နှစ်လ အတွင်း နိုင်ငံရေးဆွေးနွေးပွဲ မူဘောင်တွေကို အပြီးရေးဆွဲရမယ်။ ပြီးရင် နောက်ထပ်တစ်လအတွင်း နိုင်ငံရေးဆွေးနွေးပွဲကို စတင်ရမယ်ဆိုတဲ့ အချက်ဟာ အတော်အဓိကကျတဲ့ သဘောတူညီမှုတစ်ခု ဖြစ်ခဲ့ပါတယ်။
ဘာကြောင့် အဲဒီအချက်ကို အရင်ဆုံးသဘောတူနိုင်အောင် သူတို့ကြိုးစားခဲ့ကြတာလဲ ဆိုရင် ကျွန်တော်နားလည် သလောက် ဝေဖန်ရရင် တိုင်းရင်းသား လက်နက်ကိုင်အဖွဲ့အစည်းတွေက အစိုးရကို စိတ်မချနိုင်ဘူး ဖြစ်နေတာကြောင့်ပါ။ တည့်တည့်ပြောရရင် အယုံအကြည်မရှိလို့ ဖြစ်ပါတယ်။ သို့သော်လည်း အစိုးရဖက်က အပစ်ရပ်ရေးကို မဖြစ်ဖြစ်အောင် လုပ်မယ်ဆိုတဲ့ ကြိုးစားအားထုတ်မှုတွေက ရှိနေတာကြောင့် လွယ်လွယ်နဲ့ ကတိပေး သဘောတူခဲ့တယ်လို့ ကျွန်တော် ယူဆပါတယ်။ နို့မို့ဆိုရင် ဆွေးနွေးပွဲက ရှေ့ဆက်ဖို့ အခက်အခဲ ဖြစ်နိုင်တာကြောင့်လည်း ပါပါတယ်။
ဘာကြောင့် မယုံကြည်တာလဲဆိုတော့ အရင်အစိုးရ အဆက်ဆက်ဟာ အချိန်ကြာလာတာနဲ့အမျှ ကတိကဝတ်တွေ ပျက်သွားတတ်တယ်။ ပျက်လဲ ပျက်ခဲ့တယ်။ ပြောင်းလဲသွားတတ်တယ်။ သဘောထားတွေ အမှန်တကယ်ပြောင်းသွားတတ်တယ်။
အထူးသဖြင့် နောက်တက်တဲ့ ခေါင်းဆောင်သစ် လက်ထက်ဆိုရင် အရင်ခေါင်းဆောင်ဟောင်းတွေရဲ့ ကတိကဝတ်တွေကို သိပ်ပြီး မလေးစား မလိုက်နာချင်ကြဘဲ ပြောင်းလဲတတ်တာ အလေ့အထ တစ်ခုလိုတောင် ဖြစ်နေပါပြီ။ ကောင်းမွေဆိုးမွေ ဆက်ခံတယ်ဆိုတာ သိပ်မရှိချင်ခဲ့ပါဘူး။
ဒါပေမဲ့ ဘာဘဲပြောပြော နှစ်ဖက်သဘောတူကြတယ် ဆိုတာကတော့ ထောက်ခံကြရမဲ့ ကိစ္စ ဖြစ်ပါတယ်။ ခက်တာက နှစ်လအတွင်း နိုင်ငံရေးဆွေးနွေးပွဲ မူဘောင်ကို အပြီးရေးဆွဲရမယ် ဆိုတော့ လက်တွေ့မှာ ဖြစ်နိုင်ခြေ အတော်ကို နည်းလွန်းပါတယ်။ အားလုံးပါဝင်တဲ့ နိုင်ငံရေးဆွေးနွေးပွဲကျင်းပဖို့ဆိုတော့ အားလုံးနဲ့ ညှိနှိုင်းဖို့ လိုလာတယ်။ ပိုပြီးတော့ ခက်နိုင်တာပေါ့။
ကျွန်တော်တို့အဖို့ ရှေ့ဖက်မှာ နိုင်ငံရေးဆွေးနွေးပွဲလို့ အမည်တပ်နိုင်တဲ့ “အမျိုးသား ညီလာခံ” ဆိုတဲ့ အတွေ့အကြုံကလည်း မေ့မထားနိုင်သေးပါဘူး။ နိုင်ငံရေးဆွေးနွေးပွဲ ကျင်းပရေး နည်းစနစ်ဖြစ်တဲ့ မူဘောင်ကို အရင်ဆုံးသဘောတူထားကြဖို့က လိုကိုလိုအပ်ပါတယ်။ နောက်ထပ်တစ်ကြိမ် ကျိုက္ကဆံ အမျိုးသား ညီလာခံ၊ ညောင်နှစ်ပင် အမျိုးသားညီလာခံ မျိုးထပ်အဖြစ်ခံလို့ မရပါဘူး။ သေသေချာချာ ဆွေးနွေးဆုံးဖြတ် ထားတဲ့ မူဘောင်၊ အားလုံးလက်ခံသဘောတူတဲ့ မူဘောင်ဆိုတာ လိုကိုလိုအပ်ပါတယ်။ ကြိုတင်သတ်မှတ်ထားရမှာ ဖြစ်ပါတယ်။
အစိုးရ၊ လွှတ်တော်များ၊ တပ်မတော်၊ နိုင်ငံရေးပါတီများ၊ လက်နက်ကိုင် တော်လှန်ရေးအဖွဲ့အစည်းများ စသဖြင့် အကုန်လုံးကို နှစ်လအတွင်း ညှိနှိုင်းဖို့ဆိုတာ လက်တွေ့မှာ အလွန်ကို ခက်ခဲလှပါတယ်။
အဲဒါတွေကို ကျော်လွှားဖို့ရာ နိုင်ငံရေးပါတီ ၅၆-ပါတီက ရေးဆွဲထားတဲ့ မူဘောင် ရှိပါတယ်။ UNA နှင့်မိတ်ဖက်အဖွဲ့ အစည်းများ ဆိုတာနဲ့ UNFC တို့ ညှိနှိုင်းထားတဲ့ မူဘောင်ဆိုတာ ရှိလာပါမယ်။ အစိုးရ ၊ လွှတ်တော်နဲ့ တပ်မတော်ဖက်ကတော့ ဒီနေ့ အထိ ဘာမှ မကြားရသေးပါဘူး။ တကယ်ဆိုရင် အားလုံးက စိတ်ပူပြီး နှစ်လအတွင်း ပြီးစီးနိုင်အောင် ကြိုတင်ဆောင်ရွက်ထားကြခြင်းဘဲ ဖြစ်ပါတယ်။ ကြိုတင်ဆောင်ရွက်ထားခြင်း ဖြစ်ပါတယ်။
နောက်ဆုံးအခြေအနေအရဆိုရင် တစ်နိုင်ငံလုံးဆိုင်ရာ ပစ်ခတ်တိုက်ခိုက်မှု ရပ်စဲရေး သဘောတူညီချက် စာချုပ် (မူကြမ်း)ကို သဘောတူ လက်မှတ်ရေးထိုးနိုင်ခဲ့ကြပြီ ဖြစ်ပါတယ်။ တိုင်းရင်းသား လက်နက်ကိုင် အဖွဲ့အစည်းတွေက အဲဒီစာချုပ်ကို အတည်ပြု လက်မှတ်ရေးထိုးနိုင်ဖို့ မိမိတို့နဲ့ဆိုင်ရာ ခေါင်းဆောင်တွေနဲ့ ပြန်လည်ဆွေးနွေးနေကြပါပြီ။
ပြောရရင်တော့ တစ်ပြည်လုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်ကို လက်မှတ်ရေးထိုးဖို့ အတော့်ကို နီးစပ်နေပြီလို့ ပြောရမှာ ဖြစ်ပါတယ်။ အားတက်စရာတွေ ဖြစ်ပါတယ်။
အားလျှော့စရာတွေကလည်း ကျန်နေပါသေးတယ်။ မူကြမ်းအထိ ဆွေးနွေးတုန်းက ထစ်ငေါ့မှု ရှိနေခဲ့တဲ့ အချက်နဲနဲကို မူဘောင်ရေးဆွဲမှ ဆက်ဆွေးနွေးမယ်။ နိုင်ငံရေးဆွေးနွေးပွဲကြမှ ဆက်ဆွေးနွေးမယ် ဆိုပြီး ကျော်လွှားခဲ့ကြတဲ့ အချက်တွေပါ။ အဲဒီ အချက်တွေက မူဘောင်ရေးဆွဲတဲ့နေရာမှာဖြစ်ဖြစ်၊ နိုင်ငံရေး ဆွေးနွေးပွဲ လုပ်တဲ့နေရာမှာဖြစ်ဖြစ် ပြန်ပြီး ထစ်ငေါ့မှု ဖြစ်နိုင်သေးလို့ဘဲ ဖြစ်ပါတယ်။
နောက်တစ်ချက်က တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ်ကို ဘယ်အဖွဲ့အစည်းတွေက လက်မှတ် ရေးထိုးရမလဲ ဆိုတဲ့ကိစ္စ ဖြစ်ပါတယ်။ အဲဒီမှာလည်း ခုထိ ရှင်းရှင်းလင်းလင်း မရှိသေးပါဘူး။ သဘောထား ကွဲလွဲနေကြဆဲပါဘဲ။
နောက်တစ်ချက်ကတော့ မြန်မာပြည် အရှေ့မြောက်ပိုင်း ကိုးကန့်ဒေသမှာ တိုက်ပွဲတွေက အပြင်းအထန် ဖြစ်နေတာပါဘဲ။ ကိုးကန့်ဟာ UNFC ရဲ့ မဟာမိတ်အဖွဲ့ဝင် ဖြစ်ပါတယ်။ UNFC အနေနဲ့ မဟာမိတ် ကိုးကန့်ကို ထားပြီး သူတို့ချည်း အစိုးရနဲ့ အပစ်ရပ် လက်မှတ်ထိုးနိုင်မလား။ ကျွန်တော့်အမြင်ကတော့ အများကြီး အခက်အခဲ ရှိပါတယ်။ ကိုးကန့်မှာ တိုက်ပွဲတွေ နဲနဲလေး မဟုတ်ဘဲ အကြီးအကျယ်ဖြစ်နေတာကို ချန်ထားပြီး တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် ချုပ်ဆိုပြီး ဖြစ်တယ်လို့ ကျေညာချက် ဘယ်လိုလုပ်ထုတ်မလဲ ဆိုတာ မေးခွန်းထုတ်စရာ ဖြစ်လာပါတယ်။
တစ်ခုတော့ ရှိပါတယ်။ တပ်မတော် အပိုင်းက ပစ်ခတ် တိုက်ခိုက်မှု စာချုပ်မချုပ်ဆိုသေးခင် ကိုးကန့်မှာ စစ်ပွဲကို အပြီးသတ် အနိုင်ရအောင် အလုံးအရင်းနဲ့ တိုက်ခိုက်မလားဆိုတဲ့ မေးခွန်းဘဲ ဖြစ်ပါတယ်။ အခုကိုက ပြည်တွင်းစစ်ပွဲတွေထဲမှာ တစ်ခါမျှ မသုံးခဲ့ဖူးသေးတဲ့ တိုက်ခိုက်ရေး ရဟတ်ယာဉ်တွေ၊ ဂျက်တိုက်လေယာဉ်တွေ၊ တာဝေးပစ် အမြှောက်ကြီးတွေ၊ သံ ချပ်ကာကားတွေကို ထုတ်သုံးနေတာ တွေ့ရတယ်။ တပ်မတော်ရဲ့ အင်အားအသုံးပြုမှုကို ဆန်းစစ်ကြည့်လိုက်ရင် အထက်က ကျွန်တော့် ထင်မြင်ယူဆချက်ဖြစ်တဲ့ လက်မှတ်မထိုးမီကာလအတွင်း အပြတ်တိုက်မယ်လို့ ယူဆရပါတယ်။ ဘယ်လိုဘဲ ဖြစ်ဖြစ်ပါဗျာ ။ တိုက်ပွဲပြင်းထန်လေ ကိုယ့်နိုင်ငံသားတွေ အသေအပျောက်များလေဖြစ်တာမို့ စိတ်ထဲကတော့ ဘယ်လိုမှ မကောင်းနိုင်ပါဘူး။
နိုင်ငံရေးပါတီတွေထဲက အင်အားကြီးပါတီတွေဖြစ်တဲ့ အမျိုးသားဒီမိုကရေစီအဖွဲ့ချုပ် နဲ့ ကြံ့ခိုင်ဖွံ့ဖြိုးရေးပါတီ တို့ဆီကတော့ နိုင်ငံရေးဆွေးနွေးပွဲ မူဘောင်တွေ ရှိနေပြီလို့ ကြားရပေမဲ့ ထုတ်ဖေါ်ပြသတာတော့ မရှိသေးပါဘူး။ အဲဒီပါတီကြီးတွေရဲ့ သဘောထားတွေကိုလည်း ကျွန်တော်တို့ မေ့ထား၊ ချန်ထားလို့ မရပါဘူး။ သူတို့ မပါဘဲနဲ့ နိုင်ငံရေးလုပ်ငန်းကို ရှေ့ဆက်လို့ မရနိုင်ပါဘူး။ ရှေ့ဆက်လဲ ဘာမှ အဓိပ္ပါယ် ရှိမှာမဟုတ်ပါဘူး။
မူဘောင်တွေ ထုတ်မပြောတာကလည်း တနည်းအားဖြင့် အခုလုပ်နေတဲ့ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် ကိစ္စ ဆွေးနွေးကြတဲ့နေရာမှာ အခုချိန်အထိ နိုင်ငံရေးပါတီတွေအနေနဲ့ ပါဝင်ဆောင်ရွက်တာတွေ မရှိသေးပါဘူး။ နိုင်ငံရေးပါတီတွေရဲ့ အခန်းကဏ္ဍကတော့ နိုင်ငံရေးဆွေးနွေးပွဲ မူဘောင် ရေးဆွဲတဲ့အခါမှာတော့ ချန်ထားလို့မရပါဘူး။ ပါကိုပါဝင် ရတော့မှာ ဖြစ်ပါတယ်။
တကယ်တော့ ပစ်ခတ်တိုက်ခိုက်မှု ရပ်စဲရေးဆိုတာ အမျိုးသားပြန်လည်သင့်မြတ်ရေးအတွက် ကနဦးအစ ခြေလှမ်း ဖြစ်ပါတယ်။ အပစ်ရပ်ခြင်းရဲ့ နောက်ဆက်တွဲက အမျိုးသား ပြန်လည်ရင်ကြားစေ့ရေး (တနည်းအားဖြင့် အမျိုးသား ပြန်လည် သင့်မြတ်ရေး) ဖြစ်ပါတယ်။ အပစ်ရပ်ထားရုံနဲ့ မပြီးပါဘူး။ တကယ် လုပ်ရမှာက အခြေခံကိစ္စ ဖြစ်တဲ့ အမျိုးသား ရင်ကြားစေ့ရေး ကိစ္စ တည်ဆောက်ဖို့သာ ဖြစ်ပါတယ်။ ဒါက အမှန်တကယ် တည်ဆောက်ရမယ့် ပင်မကိစ္စကြီးဖြစ်ပါတယ်။ ဒီကိစ္စ မဆောင်ရွက်ဘဲနဲ့ အပစ်ရပ်ကိစ္စလုပ်တာ ဆိုရင် ဘာမှ အဓိပ္ပါယ်ရှိမှာ မဟုတ်ပါဘူး။ ကျွန်တော်တို့ နိုင်ငံတော်ရဲ့ ရှေ့အလားအလာ၊ ဖွံ့ဖြိုးတိုးတက်ရေးကိစ္စတွေ အတွက် ဒါက အခြေခံအုတ်မြစ် ဖြစ်ပါတယ်။
ကဲဗျာ … ဖတ်ရတဲ့အတိုင်းပါဘဲ။ ကျွန်တော်တို့ ဖြတ်သန်း ရမယ့် “တောကြီးသုံးတော” ကိစ္စဟာ ဘယ်လောက်တောင် ခက်ခဲသလဲ။ အဲဒီလို ခက်ခဲတဲ့ကိစ္စကလည်း တစ်ခုထဲမဟုတ် သုံးခုကြီးများတောင် ဖြစ်နေပါတယ်။ ရွေးကောက်ပွဲကို ထားခဲ့ပြီး ၂ဝ၁၆ ကိုသွားဖို့ ခက်သလို အခြေခံဥပဒေ ပြင်ဆင်ရေးကိုလည်း ၂ဝ၁၆ ကြမှ လုပ်ဖို့ စိတ်ကူးလို့ မရနိုင်ပါဘူး။ အပစ်အခတ် ရပ်စဲဖို့ ကိစ္စကို ကြည့်ရင်လဲ ၂ဝ၁၆ အထိဘယ်လိုမှ သယ်ယူသွားလို့ မရ နိုင်ပါဘူး။ ဒီနှစ် ၂ဝ၁၅ ထဲမှာ အပြီးဆောင်ရွက်ဖို့ လိုပါတယ်။
မဆောင်ရွက်နိုင်ခဲ့ရင်တော့ နိုင်ငံတည်ဆောက်ရေးမှာ အခက်အခဲတွေက ဆက်လက်ပြီး ရှိနေအုန်းတော့မယ်လို့ ကျွန်တော်က ယူဆထားပါတယ်။ ဒီတောတွေကို ကျော်လွှားဖို့ဆိုတာကတော့ ကျွန်တော်တစ်ယောက်ထဲလည်း မဖြစ်နိုင်ပါဘူး။ ကျွန်တော်တို့ တစ်ပါတီထဲနဲ့လည်း မဖြစ်နိုင်ပါဘူး။ ကျွန်တော်တို့ မဟာမိတ် UNA တစ်ခုထဲနဲ့လဲ မလုပ်နိုင်ပါဘူး။ နိုင်ငံရေး အင်အားစုအားလုံးနဲ့ လက်ရှိ နိုင်ငံတော် အစိုးရ၊ လွှတ်တော်၊ တပ်မတော် တို့လည်း ပါဝင်လက်တွဲဆောင်ရွက် ကျော်လွှားသွားမှ ဖြစ်မှာ ဖြစ်ပါတယ်။
အဲဒီလို အားလုံးပါဝင် ဆောင်ရွက်မှဆိုတဲ့ အချက်ကတော့ ကျွန်တော်တို့ ကျော်ဖြတ်ရမဲ့ တောကြီးသုံးတောကို အမှန်တကယ် ကျော်ဖြတ်နိုင်/မနိုင် ဆိုတာကို အဆုံးအဖြတ် ပေးသွားလိမ့်မယ်လို့ ထင်မြင်ယူဆရပါကြောင်း တင်ပြလိုက်ရပါတယ်။ စိတ်ကောင်း စေတနာကောင်းရှိကြပြီး သတိ ဝိရိယ နဲ့ ကျော်လွှားနိုင်ကြပါစေလို့ ဆုမွန်ကောင်းတောင်းလိုက်ရပါတယ်။
