Wednesday 29 June 2016

ချောတိုင်တက်သူများ

ကျွန်တော် သိပ်မမှတ်မိ တော့တဲ့ မကြာလှသော ကာလတစ်ခုမှာ ‘‘ပြည်သူ့ခေတ်’’လို့ ထင်ပါတယ်။ အဲဒီမှာ ‘‘ပြိုင်တူတွန်းမှ ရွေ့ပါမည်’’ဆိုတဲ့ ဆောင်းပါးတစ် ပုဒ် ကျွန်တော်ရေးခဲ့ဖူးပါတယ်။ အဲဒီဆောင်းပါးကို မိတ်ဆွေအ တော်များများက ကြိုက်တယ်လို့ လာပြောကြပါတယ်။ ဒါပေမဲ့ ကျွန်တော်တိုက်တွန်းခဲ့သလို ဘယ်သူ မှ လိုက်လုပ်တာမျိုးကတော့ မရှိ ခဲ့ပါဘူး။ တကယ်တော့လည်း အားလုံးက တစ်ပြိုင်တည်းလုပ်ဖို့ ဆိုတာ သိပ်လွယ်တဲ့ကိစ္စမှမဟုတ် တာကိုး။ သဘောကတော့ လက် တွေ့မှာ လုပ်ငန်းဖော်ဆောင်ဖို့ မဖြစ်နိုင်ခဲ့ဘူးဆိုတာကို ပြောချင် တာပါ။
ဒါပေမဲ့ဗျာ.. လွန်ခဲ့တဲ့ နိုဝင် ဘာလ ၈ ရက်နေ့မှာတော့ မြန်မာ နိုင်ငံသူ၊ နိုင်ငံသားတွေဟာ အမျိုး သားဒီမိုကရေစီအဖွဲ့ချုပ်ကို ၈၀ ရာခိုင်နှုန်းလောက် နိုင်သွားအောင်ပြတ်ပြတ်သားသား ဝိုင်းပြီးမဲပုံ အောထည့်လိုက်တာဟာဖြင့်ရင် တစ်ကမ္ဘာလုံးကတောင် အံ့အား သင့်မှင်တက်မိသွားတဲ့အထိ ဖြစ် ခဲ့တာ အားလုံးအသိပါပဲ။ ကျွန် တော်ပြောချင်တာကတော့ အား လုံးက ပြိုင်တူတွန်းလိုက်ကြလို့ နိုင်ငံ့သမိုင်းရဲ့ မှတ်တမ်းဝင်အရွေ့တစ်ခုကို ကျွန်တော်တို့ ဖော် ဆောင်လိုက်နိုင်ခဲ့တယ်လို့ ဆိုချင် တာ ဖြစ်ပါတယ်။
ကိုင်း.. အများမျှော်လင့်နေ ကြတဲ့၊ ဖြစ်ချင်နေကြတဲ့ ဒီမိုက ရေစီဘက်တော်သား နိုင်ငံရေး ပါတီကြီးဟာ အခုဆိုရင် နိုင်ငံ့ တာဝန်များကို ဦးဆောင်ဦးရွက်ပြု ပြီး ထမ်းဆောင်ခွင့်ရနေပြီဖြစ်ပါ တယ်။ အဲဒီကြားထဲမှာမှ ဒီမိုက ရေစီဘက်တော်သားတွေကြားထဲ မှာ အားမလိုအားမရ ဖြစ်ကြတာ တွေ၊ မချင့်မရဲဖြစ်ကြတာတွေ၊ စိုးရိမ်ပူပန်မှုဖြစ်ကြတာတွေကို နေရာအတော်များများမှာ ကြား နေရပြန်တယ်။ အထူးသဖြင့် နိုင်ငံရေးလောကသားတွေကြားမှာ ပိုပြီးတော့ ကြားနေရပါတယ်။ နှစ်ပေါင်းရာစုနှစ်တစ်ဝက်လောက် ကြာတော့မှ တစ်ကြိမ်ကြုံရတာဆို တော့လည်း စိတ်ပူပန်မှုတွေ ဖြစ် နေမှာကတော့ ဖြစ်သင့်တဲ့ကိစ္စ တစ်ခုဖြစ်ပါတယ်။
ဒီနေရာမှာ ကျွန်တော်ပြော ချင်တဲ့ ချောတိုင်တက်သူများဆို တာကတော့ ဆရာနေဝင်းမောင် ရေးခဲ့တဲ ချောတိုင်နဲ့တော့ တူမယ် မထင်ပါဘူး။ ကျွန်တော်ပြောချင် တဲ့ ချောတိုင်က တစ်မျိုးပါ။
အများသိကြတဲ့အတိုင်း ဝါး ပိုးဝါးဖြောင့်ဖြောင့်ကြီးကို တည့် တည့်မတ်မတ်စိုက်ထူထားပြီး အ ပေါ်ဆုံးက အဆစ်မှာ ဝက်ဆီတွေ ထည့်ထားပြီး အောက်ဘက်ကို တစိမ့်စိမ့်ယိုကျနေအောင် အ ပေါက်ဖောက်ထားတယ်။ တိုင် လှုပ်တာနဲ့ ဆီတွေက စိမ့်စိမ့်ပြီး စီးကျလာပါတယ်။ အဲဒီဝက်ဆီရှိ တဲ့ အဆစ်ထိပ်မှာ အလံတင်ထား ပြီး အဲဒီအလံကို ဆုအဖြစ်သတ် မှတ်ထားတာကို အဖွဲ့လိုက် တစ် ဖွဲ့ချင်း သူ့ထက်ငါ အလုအယက် တက်ပြီး အောင်လံကို ရအောင် ယူကြရတဲ့ ပျော်စရာကစားနည်း တစ်မျိုးပဲ ဖြစ်ပါတယ်။
အောင်လံအတွက် ဆုကြေးငွေက ဘယ်လောက်မှမများပေ မယ့် လူငယ်လူလတ်တွေကတော့ အဖွဲ့လိုက် အစွမ်းပြဖို့ ကြိုးစားကြ တာ  အလွန်ပျော်စရာ ကောင်းလှ ပါတယ်။ ပြောင်ချောကြီးဖြစ်နေ တဲ့ ဝါးလုံးမှာ ဆီတွေက တစိမ့် စိမ့်ကျနေတော့ တစ်ဦးချင်းအနေ နဲ့ ဖက်တွယ်တက်ဖို့ဆိုတာ အ တော်ခက်လှပါတယ်။ တစ် ယောက်ကိုတစ်ယောက်ဆင့်ပြီး တစ်ယောက်ပခုံးတစ်ယောက် နင်းပြီး ကြိုးစားတက်ကြရတာဖြစ်ပါတယ်။ တစ်ကိုယ်လုံးမှာ ဆီတွေ ပေနေတော့ တစ်ယောက်တက်၊ တစ်ယောက်ပြုတ်ကျ၊ နောက် တစ်ယောက်ချော်ကျနဲ့ ပွဲကြည့် ပရိသတ်အပေါင်းကတော့ တဝါး ဝါးနဲ့ ပျော်စရာကစားနည်းလည်း ဖြစ်ပါတယ်။ တချို့အရပ်တွေမှာ ဆို ဆိုင်းဝိုင်းအသေးစားလေးတွေ တောင်ပါတတ်ပါတယ်။
အောင်လံကို ရနိုင်ဖို့အတွက် အဖွဲ့လိုက် ညီညွတ်မှုရှိဖို့ လိုပါ တယ်။ တစ်ယောက်နဲ့ တစ် ယောက် အနစ်နာခံနိုင်ဖို့လိုပါ တယ်။ ဘာလို့ဆိုတော့ တစ် ယောက်ပခုံးကို နောက်တစ် ယောက်က တက်နင်းပြီးတက်၊ နောက်ထပ်တစ်ယောက်က အဲဒီ နှစ်ယောက်ရဲ့ ပခုံးကို ထပ်နင်းပြီး တစ်ဆင့်ထပ်တက်။ အဲဒီလိုနည်း နဲ့ အောင်လံနားကိုရောက်အောင် တစ်ယောက်ကို တစ်ယောက်နင်း တက်ကြရတာ ဖြစ်ပါတယ်။ ပန်း တိုင်ဖြစ်တဲ့ အောင်လံနားရောက် လေ လူများလာလေဆိုတော့ အောက်ဆုံးက တစ်ယောက်ဆို အံကြိတ်ပြီး ခံရလေပါပဲ။ အဲဒီ အောက်ဆုံးက တစ်ယောက်သာ ပြိုလဲသွားရင် အပေါ်မှာရှိတဲ့လူ တွေလည်း တစ်ပြုံကြီး ပြန်လျှော ကျရတာမို့ လူညီဖို့၊ အနစ်နာခံဖို့၊စာနာမှုရှိဖို့လိုတဲ့ ကစားနည်းတစ် ခုဖြစ်ပါတယ်။
ကျွန်တော် တကယ်ပြောချင် တာက မြန်မာ့နိုင်ငံရေးကို ကွက် ကွက်ကွင်းကွင်း မြင်သာအောင် ပြောချင်လို့ ချောတိုင်တက်ပုံ တက်နည်း အကြောင်းတွေပြော နေရခြင်းပဲ ဖြစ်ပါတယ်။ တကယ် တော့ ဒီနေ့ မြန်မာ့နိုင်ငံရေးရဲ့ ချောတိုင်ထိပ်က အောင်လံကို ဆွတ်ခူးရယူလိုက်နိုင်သူကတော့ အမျိုးသားဒီမိုကရေစီအဖွဲ့ချုပ်ပဲ ဖြစ်ပါတယ်။ အောင်လံကို ရယူ လိုက်နိုင်တာက ဒီချုပ်ဖြစ်ပင် ဖြစ်ငြားသော်လည်း အောင်ပွဲက တော့ ‘‘ပြည်သူလူထု’’ရဲ့ အောင်ပွဲ ပဲ ဖြစ်ပါတယ်။ ပြည်သူ့အောင်ပွဲ အတွက် ဒီချုပ်က အောင်လံကို ဆွတ်ယူပေးခဲ့တာလို့ ပြောမယ်ဆို ရင် မမှားပါဘူး။
၁၉၆၂ နောက်ပိုင်းမှာက တည်းက ဒီမိုကရေစီဘက်တော် သားတွေဟာ ပျောက်ဆုံးသွားတဲ့ ဒီမိုကရေစီလေး ပြန်ရရလေ အောင် တစ်ဖွဲ့ချင်းဖြစ်ဖြစ်၊ တစ် ဦးချင်းဖြစ်ဖြစ်၊ အဖွဲ့တွေပေါင်း လို့ပဲဖြစ်ဖြစ် နည်းလမ်းမျိုးစုံနဲ့ ကြိုးပမ်းခဲ့ရတာ ဖြစ်ပါတယ်။ အဲဒီခရီး လမ်းမှာ ဘဝပျက်ခဲ့ရသူတွေ၊ ထောင်ကျခဲ့ရသူတွေ၊ ကျဆုံးခဲ့ရ သူတွေ၊ ထွက်ပြေးခဲ့ရသူတွေ၊ ဆင်းရဲဒုက္ခအရောက်ခံပြီး တစ်ပွဲ ပြီးတစ်ပွဲ၊ တစ်ကြိမ်ပြီးတစ်ကြိမ် ကြိုးပမ်းခဲ့ကြရတာ ဖြစ်ပါတယ်။ ခုနှစ်အလိုက်၊ အဖြစ်အပျက်အ လိုက် သမိုင်းမှတ်တမ်းတင်ထား ပြီးလည်း ဖြစ်ပါတယ်။
ချောတိုင်တက်ကြတဲ့အခါ ဦးဆုံးပထမတက်ခဲ့တဲ့လူတွေအ တွက်ကတော့ လတ်လတ်ဆတ် ဆတ် ဆီတွေနဲ့တွေ့ပြီး နောက် ပြန်လန်ကျရတာ ထုံးစံလိုဖြစ်ပါ တယ်။
 ဒီလိုနည်းနဲ့ တစ်ဖွဲ့ပြီးတစ် ဖွဲ့၊ တက်လိုက်၊ ပြန်ကျလိုက်နဲ့ အချိန်ကြာလာတာနဲ့အမျှ ကျနေ တဲ့ဆီတွေလည်း တဖြည်းဖြည်း နည်းလာတော့ နောက်ပိုင်းတက် ရတဲ့လူတွေအဖို့ ပိုပြီးမျှော်လင့် ချက်ထားနိုင်ခဲ့တာ ထုံးစံလိုပဲဖြစ် ပါတယ်။
နောက်ဆုံးမှာတော့ ပြည်သူ တွေ မျှော်လင့်နေကြတဲ့ အောင် လံကို ဆွတ်ယူရရှိခဲ့ပြီး ဖြစ်ပါ တယ်။ ဒီချုပ် အနိုင်ရအောင် ပြည်သူလူထုတစ်ရပ်လုံးက ‘‘ပြိုင် တူဝိုင်းတွန်း’’လိုက်လို့ ရရှိတဲ့ အောင်ပွဲဖြစ်ပါတယ်။ ခေတ်အ ဆက်ဆက် အနစ်နာခံ ကြိုးပမ်းခဲ့ ကြတဲ့ နိုင်ငံရေးသမားတွေအ တွက်လည်း ဒါဟာ ပြည်သူ့အောင်ပွဲပဲ ဖြစ်ပါတယ်။ ကြိုးပမ်းခဲ့တဲ့လူ အားလုံး၊ အနစ်နာခံခဲ့တဲ့လူအား လုံးဟာ ပြည်သူလူထုတစ်ရပ်လုံး က ပေးအပ်ခဲ့တဲ့ အခုအောင်ပွဲကို ကိုယ့်အောင်ပွဲလိုပဲ သဘောထား ရမှာ ဖြစ်ပါတယ်။ ကိုယ်တိုင် အောင်လံကို ဆွတ်ခူးမှ ကိုယ့် အောင်ပွဲမဟုတ်ပါဘူး။ အခုလို အလွန်ကို မလွယ်ကူတဲ့၊ ဖြစ်နိုင်ခဲ တဲ့ ပြည်သူတစ်ရပ်လုံးက ‘‘ပြိုင် တူ’’ဝိုင်းတွန်းဖြစ်ဖို့ဆိုတာ လွန်ခဲ့ တဲ့၊ ပြီးခဲ့တဲ့ အကြောင်းတရားတွေ ကြောင့် ဖြစ်ရတဲ့ အကျိုးတရား ဖြစ်ပါတယ်ဆိုရင် လက်မခံလို့ မရပါဘူး။
ဒါကြောင့် အခုအောင်ပွဲဟာ အားလုံးရဲ့အောင်ပွဲလို့ ကျွန်တော် တော့ ဆိုချင်ပါတယ်။ နောက်ပြီး အခုအောင်ပွဲဟာ အေးအေးချမ်း ချမ်းနဲ့ တရားမျှမျှတတရခဲ့တဲ့ အောင်ပွဲဖြစ်တာမို့ ပိုပြီးတော့ တန်ဖိုးထားကြဖို့ လိုပါတယ်။ နိုင်ငံရေး ပါတီပေါင်း ၉၀ ကျော် ဝင်ရောက်ယှဉ်ပြိုင်ခဲ့တဲ့ ပြီးခဲ့တဲ့ ရွေးကောက်ပွဲဟာဆိုရင် နိုင်ငံရေး ပြိုင်ဆိုင်မှုတွေ ရှိခဲ့တဲ့အတွက် အခုလောက် အေးအေးချမ်းချမ်းညင်ညင်သာသာ ဖြစ်လိမ့်မယ်လို့ ဘယ်သူမှ ထင်မထားခဲ့ပါဘူး။ စိတ်တထင့်ထင့်နဲ့ ပူပင်နေခဲ့ရပေမယ့် မြန်မာပြည်သူတွေရဲ့ နိုင်ငံရေးရင့်ကျက်မှုက ထင်ထားတာထက် အများကြီးရင့်ကျက်ခဲ့တယ် ဆိုတာ သိသာလှပါတယ်။ သက်သေထူလိုက်တာလည်း ဖြစ်ပါတယ်။
အဲဒီရင့်ကျက်မှုကို မြန်မာ ပြည်သူတွေအနေနဲ့ ဆက်လက် ထိန်းသိမ်းဖို့လိုအပ်သလို ဒီမိုက ရေစီဘက်တော်သား နိုင်ငံရေး လုပ်ဖော်ကိုင်ဖက်အားလုံးက လည်း ရင့်ကျက်မှုကို ပိုပြီးထုတ် ဖော်ပြသဖို့ လိုအပ်ပါတယ်။ မြန်မာ ပြည်သူလူထုတစ်ရပ်လုံးက တစ်ပြိုင်နက် ‘‘ပြိုင်တူ’’မဲပေးခဲ့ကြလို့ အောင်လံတော်ကို ဆွတ်ခူးခဲ့တဲ့ပါတီကို ကျွန်တော်တို့အား လုံးက ပြည်သူ့မျက်နှာကို ထောက်ထားပြီး ဝိုင်းဝန်းကူညီအားပေးကြ ဖို့ လိုပါတယ်။ ဒီမိုကရေစီဘက် တော်သား ပါတီတစ်ရပ်လည်းဖြစ် တာမို့ ကျွန်တော်တို့ မုဒိတာပွား ကြဖို့လိုပါတယ်။ နှစ်ကာလပေါင်းများစွာ ကြိုးစားခဲ့ရတဲ့ နိုင်ငံရေးအောင်ပွဲတစ်ခုကို တန်ဖိုးထားတတ်ကြဖို့လည်း လိုပါတယ်။
အောင်ပွဲရ အမျိုးသားဒီမိုက ရေစီအဖွဲ့ချုပ်ဘက်ကလည်း အ ထက်မှာ ဆိုခဲ့သလို ဒီမိုကရေစီ ဘက်တော်သားအားလုံးကို ကိုယ် စားပြုခွင့်ရခဲ့တာဟာ အလွန်ကို ဂုဏ်ယူစရာဖြစ်သလို ကြီးမားတဲ့ သမိုင်းတွင်မှုကြီးတစ်ခုအဖြစ် မှတ်တမ်းဝင်သွားခဲ့ပြီ ဖြစ်ပါတယ်။ကြီးမားတဲ့ တာဝန်ကြီးတွေကို ဆက်လက်ထမ်းဆောင် သယ်ပိုးသွားရတော့မှာ ဖြစ်ပါတယ်။ ဒီလိုသယ်ပိုးတဲ့အချိန်မှာ ချော တိုင်တက်စဉ်က အောက်ခြေအ ကျဆုံးနေရာတွေကနေ တောင့်ခံ ခဲ့တဲ့လူတွေ၊ ဆီအလူးလူးကြောင့် အောက်ပြန်လျှောကျပြီး မအောင် မမြင်ဖြစ်ခဲ့ရတဲ့ ဒီမိုကရေစီဘက် တော်သားတွေကိုလည်း ပြန်သတိရဖို့ လိုပါတယ်။
ကျွန်တော်ဆိုချင်တာက ရာ ထူးပေးဖို့၊ နေရာပေးဖို့ မဟုတ်ပါ ဘူး။ အဲဒီပုဂ္ဂိုလ်တွေကလည်း ရာထူးကိစ္စကို မျှော်လင့်နေကြ လိမ့်မယ်လို့ ကျွန်တော်မထင်ပါ ဘူး။ ကိုယ့်ရဲ့ ပန်းတိုင်ဖြစ်တဲ့ ဒီမို ကရေစီရရှိရေး ကြိုးပမ်းမှုသမိုင်း ကြောင်းမှာ အသိအမှတ်ပြုခံရဖို့ လောက်ကိုပဲ မျှော်လင့်နေကြတာ ပါ။ ရန်သူကိုတောင် မိတ်ဆွေ ဖြစ်အောင် လုပ်နိုင်ခဲ့တဲ့ နိုင်ငံရေး ရင့်ကျက်မှုရှိသူတွေဟာ ကိုယ့် ဘက်တော်သားအချင်းချင်းကို အသိအမှတ်ပြု လေးစားဖို့ဆိုတာ ခက်ခဲတဲ့ကိစ္စမဟုတ်ပါဘူး။ ကိုယ့်ဘက်တော်သားအချင်းချင်း အသိ အမှတ်ပြုလက်တွဲရုံနဲ့လည်း ကိုယ့်ဘက်က ဘာမှလျော့သွားစရာ မရှိပါဘူး။ ရှေ့လုပ်ငန်းစဉ်တွေ မှာ ပိုမိုပြီးတော့တောင် အထောက်အကူဖြစ်စေနိုင်ပါတယ်။ ဒီမိုက ရေစီဘက်တော်သားတွေ ဆက် လက်ပြီး လုပ်ဖို့ကိုင်ဖို့ လုပ်ငန်း တွေဟာ အတော်ကို များပြားပါ တယ်။ အဲဒီလုပ်ငန်းတွေကို ပြည် သူတွေနဲ့အတူ တည်ဆောက်ကြ ဖို့ ဒီမိုကရေစီဘက်တော်သားတွေအားလုံးမှာ ဆက်လက်ပြီး တာဝန် ကိုယ်စီရှိနေကြဆဲပဲလို့ ကျွန်တော်တော့ အဲဒီလိုယုံကြည်ထားပါ တယ်။ ဒီမိုကရေစီဘက်တော်သား တွေအားလုံးဟာ တတ်နိုင် သလောက် ဆက်လက်ပြီး စည်းလုံးညီညွတ်ဖို့ တစ်ယောက်ကိုတစ် ယောက်၊ တစ်ဖွဲ့ကိုတစ်ဖွဲ့ ဝိုင်း ဝန်းကူညီဖို့၊ အသိအမှတ်ပြုဆက် ဆံဖို့ လိုအပ်ပါတယ်။
တကယ်တော့ ကျွန်တော်တို့ ကြိုးစားခဲ့ကြတာက ဒီမိုကရေစီ ရရှိရေးတစ်ခုတည်းမဟုတ်ဘဲ အမျိုးသားပြန်လည်ရင်ကြားစေ့ ရေးနဲ့ ပြည်တွင်းစစ်ပွဲတွေရပ်ဆိုင်း သွားတဲ့ ငြိမ်းချမ်းရေးရရှိရေးတွေ ကို ဆက်လက်ကြိုးပမ်းသွားကြရ မှာ ဖြစ်တာကြောင့် တစ်ဦးနဲ့တစ် ဦး၊ တစ်ဖွဲ့နဲ့တစ်ဖွဲ့ အပြန်အလှန် ဝန်းရံ၊ အသိအမှတ်ပြုဖို့ဆိုတာ လိုကိုလိုအပ်နေသေးတဲ့ဆောင် ရွက်စရာ ဖြစ်နေကြောင်းပါ ခင် ဗျာ။   ။
7Days Daily (Issue No. 1093 Thursday, May 19, 2016)

No comments:

Post a Comment