Wednesday, 29 June 2016

မြန်မာ့နိုင်ငံရေးနှင့် အမျိုးသားပြန်လည်ရင်ကြားစေ့ရေး

မြန်မာနိုင်ငံ၏ လက်ရှိအပြောင်းအလဲသည်သာမန်အားဖြင့်ကြည့်လျှင်အားတက်ဖွယ် အပြောင်းအလဲကြီးတစ်ခုဖြစ်ပါသည်။ နှစ်ပေါင်းငါးဆယ်ကျော် ပုံစံအမျိုးမျိုးဖြင့် အုပ်ချုပ်လာသည့် စစ်အစိုးရအား လူထုစွမ်းအားဖြစ်သည့် ရွေးကောက်ပွဲ အနိုင်ရသောနည်းလမ်းဖြင့် ဖယ်ရှားလိုက်နိုင်ခြင်းသည် အံ့ဖွယ်တစ်ခု ဖြစ်ခဲ့ပါသည်။ ပြည်မနေ ပြည်သူတွေအဖို့တော့ သာမန်အားဖြင့် စိတ်အေးအားတက်ဖွယ်ဖြစ်သော်လည်း ပြည်နယ်နေတိုင်းရင်းသား လူမျိုးများအတွက်မူ စိတ်ချလက်ချ စိတ်အေးနိုင်သည့် အခြေအနေကို မရရှိနိုင်သေးပေ။
လက်ရှိအာဏာရ ဒီချုပ် ပါတီသည် ၂၈ နှစ်တိုင်အောင် အ တိုက်အခံဘဝဖြင့် ကြိုးပမ်းခဲ့ရပါ သည်။ အတိုက်အခံဘဝနှင့် အစိုး ရဘဝသည် အတော်ခြားနားသည် ဟု ထင်မြင်ပါသည်။ အစိုးရဘဝ လုပ်ကိုင်ရသည့် အလုပ်များသည် အတိုက်အခံဘဝတွင်လုပ်သည့် လုပ်ရပ်များနှင့် အတော်ခြားနားရ ပါလိမ့်မည်။ အတိုက်အခံဘဝ ထက် ပိုမိုပြီး တာဝန်ယူမှု၊ တာဝန် ခံမှု ကြီးမားပါသည်။ ဒီချုပ်အစိုးရ အနေဖြင့် ထင်ထားသည်ထက် အဆမတန်များပြားလှသော အာ ဏာနှင့် လုပ်ပိုင်ခွင့်ကို ကောင်း မွန်စွာအသုံးတည့်အောင် အသုံး ချဖို့ရာ အတော်ကြီးကို ကြိုးစား အားထုတ်ရမည်ဖြစ်ပါသည်။ အ ထူးသဖြင့် အမှိုက်ပုံကြီးတစ်ခုလို ပုပ်သိုးဆွေးမြည့်နေသည့် အကျင့်ပျက်ခြစားမှုများကို တိုက်ဖျက်ဖို့ အတော်ကြီးပြတ်ပြတ်သားသားလုပ်ကိုင်နိုင်မှ ဖြစ်နိုင်ပါသည်။ တစ်ကြိမ်တစ်ခါမျှ အာဏာမရခဲ့ဖူးသော နိုင်ငံရေးပါတီတစ်ရပ်အနေဖြင့် ခိုင်မာသော ကျောထောက်နောက်ခံတစ်ရပ်ကို တည်ဆောက်ရန်မှာ ချက်ချင်းမဖြစ်နိုင်သေးပေ။ခိုင်မာသော ကျောထောက်နောက်ခံမရှိဘဲ အကျင့်ပျက်ခြစားမှုများကို ပြတ်ပြတ်သားသား အမြစ်ဖြုတ်ရန်မှာ အတော်ကိုခက်ခဲမည်ဖြစ်ပါသည်။

ဒီချုပ်ခေါင်းဆောင်များအ နေဖြင့် အထက်ဖော်ပြပါ အမှိုက် သရိုက်များကို ရှင်းလင်းနေရ သောကြောင့် ပြည်နယ်များရှိ တိုင်းရင်းသားလူမျိုးစုများအရေး ကို အာရုံစိုက်မှု လျော့နည်းသွား နိုင်ပါသည်။ လက်ရှိအခြေအနေ အရ ဒေါ်အောင်ဆန်းစုကြည် ကိုယ်တိုင် ဝန်ကြီးဌာနနှစ်ခုကို ကိုင်တွယ်နေရပါသည်။ ထို့အ ပြင် အမျိုးသားပြန်လည်ရင်ကြား စေ့ရေးနှင့် ပြည်တွင်းငြိမ်းချမ်းရေး တည်ဆောက်ရေးလုပ်ငန်းများကို စောစောပိုင်းတုန်းက ပြောခဲ့သလို သူမအနေဖြင့် ကိုယ်တိုင်ခေါင်း ဆောင်ပြီး ဆောင်ရွက်ရန် ကော် မတီများ ဖွဲ့စည်းခဲ့ပြီးလည်း ဖြစ် ပါသည်။ သို့သော် များပြားလှ သော လုပ်ငန်းတာဝန်များအ ကြားတွင် အလွန်ထိလွယ်ရှလွယ် သော အလုပ်ဖြစ်သည့် အမျိုးသား ရင်ကြားစေ့ရေးလုပ်ငန်း ဆောင် ရွက်ရန် အချိန်ပြည့်ပေးနိုင်ပါ့ မလား သံသယဖြစ်ဖွယ်ရှိပါသည်။
 အသစ်ဖွဲ့စည်းထားသော အစိုးရအဖွဲ့သည် ဝန်ကြီးဌာနများ အများအပြားလျှော့ချလိုက်ခြင်း၊ ဒုတိယဝန်ကြီးများကို မထားရှိ တော့ခြင်း၊ ဝန်ကြီးဌာနများကို ပေါင်းစည်းလိုက်ခြင်းနှင့် အတွေ့ အကြုံအသစ်ဖြစ်ခြင်း စသောအ ကြောင်းတရားများသည် တိုင်း ရင်းသားဒေသအတွက် ငြိမ်းချမ်း ရေးလုပ်ငန်းများကို နှောင့်နှေးစေ နိုင်ပါသည်။ အသစ်ဖွဲ့စည်းထား သော တိုင်းရင်းသားရေးရာဝန် ကြီးဌာနသည် နည်းဥပဒေမရေး ဆွဲရသေးသည့် အနေအထားမှ ဝန်ကြီးဌာနဖွဲ့စည်းရေးကိစ္စကို လုပ်ဆောင်ရမည်ဖြစ်သဖြင့် အ ချိန်အတော်ကြာအောင် ဖွဲ့စည်း ရဦးမည်ဖြစ်ပါသည်။ သတ်မှတ် ထားသော ဥပဒေကို လေ့လာ ကြည့်လျှင်လည်း ပြည်တွင်းငြိမ်း ချမ်းရေးနှင့် အမျိုးသားပြန်လည် သင့်မြတ်ရေးဆိုင်ရာ လုပ်ငန်းများ နှင့်ပတ်သက်မှုမရှိကြောင်း တွေ့ နိုင်ပါသည်။ အငြင်းပွားဖွယ် အဓိပ္ပာယ်ဖွင့်ဆိုမှုများလည်း ပါဝင်နေပါသည်။ ခေါင်းစဉ်တပ် ထားသည့် တိုင်းရင်းသားဟူသော ဝေါဟာရသည်ပင်လျှင် အဓိပ္ပာယ်ဖွင့်ဆိုချက်အရ အယူအဆကွဲမှု များ ရှိနေဆဲဖြစ်ပါသည်။
မကြာမတင်ကာလက ‘‘ဝ’’ နယ်ရှိ ပန်ဆန်းတွင် စုဖွဲ့နေမှုများ၊ ထိုင်းနိုင်ငံ ချင်းမိုင်တွင် NCA လက်မှတ်ထိုးအဖွဲ့များ၏ စုဖွဲ့နေ မှုများ၊ NCA လက်မှတ်မထိုးရ သေးသော အစုအဖွဲ့များ၏ စုဖွဲ့ မှုများသည် မျက်ခြည်ပြတ်၍မရ သော မြန်မာ့နိုင်ငံရေး အခြေအ နေများဖြစ်ပါသည်။ ထိုင်းနိုင်ငံ ချင်းမိုင်မြို့တွင် လက်မှတ်မရေး ထိုးရသေးသည့် တပ်ဖွဲ့များထံသို့ အစိုးရကိုယ်စားလှယ်အဖွဲ့သွား ရောက်ဆွေးနွေးနေခြင်းများမှ သတင်းကောင်းများ ကြားရပါစေဟုမျှော်လင့်နေကြရပါသည်။ MPC လုပ်ငန်းများ ရပ်ဆိုင်းသွားပြီးသည့်နောက်ပိုင်း ရှမ်းပြည်နယ် အတွင်း ဖြစ်ပွားနေသော တိုက်ပွဲ များ ရပ်ဆိုင်းသွားစေရန် ကြားဝင်စေ့စပ်ပေးရေးမရှိသလို ဖြစ်သွားသောကြောင့် ပြည်သူလူထုအနေ ဖြင့် စစ်ပြေးဒုက္ခသည်ဘဝ ဆိုက် ရောက်ရင်ဆိုင်နေကြရသည်။ ရှမ်းပြည်နယ် အစိုးရနှင့် ရှမ်းပြည် နယ်လွှတ်တော်များကလည်း နှုတ်ဆိတ်နေကြသည်မှာ အံ့ဩစရာ ဖြစ်နေပါသည်။
၁၉၆၂ ခုနှစ် စစ်အာဏာ သိမ်းစဉ်က ရှမ်းတို့၏ ခွဲထွက်ခွင့် တောင်းဆိုမှုကြောင့်ဟု အကြောင်းပြခဲ့သည်။ ယနေ့ပွင့်လင်းလာသော ယခုလိုကာလတွင် ထိုတောင်းဆိုမှုမျိုး မရှိခဲ့ကြောင်း နောက်ကျစွာ သိရှိလာကြသည်။ ယင်းနောက်ပိုင်း လူမျိုးစုငယ်များအတွင်း သွေးခွဲရေးကို တဖြည်းဖြည်းပုံသွင်းလာခဲ့ကြပြီး ၂၀၀၈ အခြေခံဥပဒေတွင် ကိုယ်ပိုင်အုပ်ချုပ်ခွင့်ရဒေသများကို သတ်မှတ်ပေးခဲ့သည်။ ထိုစဉ်မှစ၍ လူမျိုးစုငယ်အသီးသီးတို့၏ စိတ်ထဲတွင် ကိုယ်ပိုင်ပြည်နယ်ရရှိရေး စိတ်ဓာတ်များကိန်းအောင်းခဲ့သည်။ မျိုးချစ်စိတ်ဓာတ်များ တဖွားဖွားပေါက်ဖွားလာခဲ့သည်။
‘‘နိုင်ငံချစ်စိတ်ထက် မျိုးချစ် စိတ်က ပိုမိုများပြားကျော်လွန် သွားခဲ့သည်’’ ‘‘နိုင်ငံချစ်စိတ်ထက် မိမိအဖွဲ့အစည်းကို ချစ်စိတ်က ပိုမိုများပြားခဲ့သည်’’ နိုင်ငံ့အရေး ထက် မိမိအမျိုးသားရေးကို ဦးစား ပေးလာခဲ့ကြသည်။ ပြည်မရှိ အာ ဏာရအဖွဲ့အစည်းများထဲတွင် လည်း  နိုင်ငံ့အကျိုးစီးပွားထက် မိမိတို့အဖွဲ့အစည်း၏ အကျိုး စီးပွားကို ဦးစားပေးသည့် အခြေ အနေမျိုး ဖြစ်ပေါ်ခဲ့သည်။
 နိုင်ငံတစ်နိုင်ငံတွင် နိုင်ငံ့အ ကျိုးစီးပွားထက် မိမိလူမျိုးစု၏ အ ကျိုးစီးပွားကိုဖြစ်စေ၊ မိမိအဖွဲ့အ စည်း၏ အကျိုးစီးပွားကိုဖြစ်စေ ပိုမိုအလေးထား လုပ်ဆောင်နေ ပြီဆိုလျှင် ပြည်တွင်းငြိမ်းချမ်းရေး နှင့် အမျိုးသားပြန်လည်ရင်ကြား စေ့ရေးကိစ္စသည် မျှော်လင့်နိုင် သော ကိစ္စမဟုတ်နိုင်တော့ပါ။ အ တော်ကို ကုစားရမည့်ကိစ္စဖြစ်ပါ သည်။ ပြီးခဲ့သည့်နှစ်က ပြုလုပ်ခဲ့ သော လူဦးရေသန်းခေါင်စာရင်း ကောက်ယူမှုတွင် သတ်မှတ်ထား သော လူမျိုးအမည်နာမ၌ မပါဝင် သော လူမျိုးများကို သီးခြားခေါင်း စဉ်ဖြင့် မေးမြန်းစာရင်းပြုစုခဲ့ရာ လုပ်ငန်းပြီးစီးသွားပြီးနောက်ပိုင်း ထုတ်ပြန်ကြေညာရန် မဖြစ်နိုင် လောက်အောင် များပြားလှသော လူမျိုးအမည်နာမများ ထုတ်ဖော် စာရင်းပေးထားကြသည်ကိုကြည့် လျှင် သိနိုင်ပါသည်။ မကြာမီက ပင် မိုင်းဝန်း (ဗမာ)ဟူသော လူမျိုးနာမည်အသစ်တစ်ခုကို အစိုးရက မှတ်ပုံတင်ထုတ်ပေးရန် ညွှန်ကြား စာထွက်လာသောကြောင့် ဝေဖန် မှုများ ရှိနေပါသည်။
အထူးသဖြင့် ဖိနှိပ်မှုများ အောက်တွင် ကြီးပြင်းလာကြပြီး လေ့လာမှုအားနည်းခဲ့သော လက် နက်ကိုင်တော်လှန်ရေးအဖွဲ့အ စည်းများကို နားလည်လက်ခံနိုင် အောင် ယုံကြည်မှုတည်ဆောက် ရသည်မှာ လွယ်ကူသော ကိစ္စ မဟုတ်ပါ။ လက်ရှိအာဏာရပါတီ ၏ ခေါင်းဆောင်နှင့် စစ်တပ်ခေါင်း ဆောင်ပိုင်းများ အာဏာမလွှဲခင် ညှိနှိုင်းမှုများမှာ မအောင်မြင်ခဲ့ဟု သိရပါသည်။ သို့ဆိုလျှင် တစ် ပြည်လုံး ပစ်ခတ်တိုက်ခိုက်မှုရပ် စဲရေးနှင့် အမျိုးသားပြန်လည်ရင် ကြားစေ့ရေးကိစ္စကို လက်ရှိအာ ဏာပိုင်အစိုးရအနေဖြင့် တိုင်းရင်းသားတော်လှန်ရေးအဖွဲ့များနှင့် ဆွေးနွေးမှုအောင်မြင်သည့်တိုင် တပ်မတော်ဘက်သို့တစ်ခါ ထပ်မံ ညှိနှိုင်းမှု ပြုရတော့မည်ဖြစ်ပါ သည်။ အစိုးရမပါဝင်ဘဲ တပ် မတော်နှင့် တိုင်းရင်းသားလက် နက်ကိုင်များ တိုက်ရိုက်ဆွေးနွေး မှုများသည်လည်း အဓိပ္ပာယ်ရှိ မည်မဟုတ်ပေ။ လက်ရှိ အစိုးရ ကိုယ်တိုင်က တပ်မတော်နှင့် တစ် ဖွဲ့တည်း၊ တစ်ဖက်တည်းအတူ ထိုင်လျက် ဆွေးနွေးနိုင်မည့် အ ခြေအနေမရှိသေးခြင်းသည် အား ယုတ်စရာဖြစ်ပါသည်။
မြန်မာနိုင်ငံ၏ ဖွံ့ဖြိုးတိုး တက်ရေးသည် ပြည်တွင်းစစ် ရပ် စဲရေးအပေါ် အတော်မူတည်နေ ပါသည်။ ပြည်တွင်းစစ်ရပ်စဲရေး သည်လည်း ယုံကြည်မှုတည် ဆောက်ပြီး နိုင်ငံရေးသဘောတူ ညီမှုရယူနိုင်မှသာ ရပ်စဲမှုဖြစ်နိုင် ပါမည်။ အများက သဘောတူ ထားသည့် သဘောတူညီချက်များ ဖြင့် ရေးဆွဲထားသော ဖွဲ့စည်းပုံ အခြေခံဥပဒေတစ်ရပ်ကို ပြဋ္ဌာန်း ရေးဆွဲပြီးမှသာ ခိုင်မာသော ငြိမ်း ချမ်းရေးကို ရနိုင်မည်ဖြစ်ပါသည်။
မြန်မာနိုင်ငံ၏ လက်နက် ကိုင်တော်လှန်ရေးများ၏ သမိုင်း ကြောင်းသည် ကြာတောင့်ကြာ ရှည် ကြာညောင်းခဲ့သည်ဖြစ်ရာ အထာကျနေပြီဟုပင် ဆိုနိုင်ပါ သည်။ လူမျိုးစုတိုင်းလိုလို လက် နက်ကိုင်တော်လှန်ရေး အဖွဲ့အ စည်းများ တစ်နည်းမဟုတ်တစ် နည်း ဖွဲ့စည်းခဲ့ကြသည်။ ဖွဲ့စည်းဖို့လိုသည်ဟူသော အတွေးအခေါ် များလည်း ပြောသံကြားနေရသည်။ တချို့ဆိုလျှင် ထိုတော်လှန်ရေးလောကထဲတွင် မွေးဖွား ကြီးပြင်းခဲ့သူများ ဖြစ်ပါသည်။ ဤကဲ့သို့သော နှစ်ပေါင်းကြာညောင်း အောင် အသက်ရှည်၊ အသက် ဆက်ခဲ့သော များပြားလှသည့် တော်လှန်ရေးအဖွဲ့အစည်းများ သည် ဘာကြောင့်ပေါ်ပေါက်ခဲ့ သလဲ၊ ဘာကြောင့် အသက်ရှည် နေသလဲ၊ ဘာကြောင့်ထပ်မံပေါ် ပေါက်နေသလဲ စဉ်းစားသုံးသပ်ဖို့ လိုကိုလိုပါသည်။ တော်လှန်ရေး စိတ်ဓာတ်၊ တော်လှန်ချင်သော စိတ်များ ဖြစ်ပေါ်စေခဲ့သည့် အ ကြောင်းတရားများကိုလည်း ပြန် လည်ဆန်းစစ်ဖို့ အချိန်ရောက်ပြီ ဟု ယူဆမိပါသည်။
ကျွန်တော်တို့ မြန်မာနိုင်ငံ၏ နိုင်ငံရေးဖြတ်သန်းမှုကို ပြန်သုံး သပ်ကြည့်လျှင် ထူးခြားချက် အချို့ကို တွေ့နိုင်ပါသည်။ ၁၉၆၂ခုနှစ် စစ်တပ်အာဏာသိမ်းပိုက် ပြီးသည်မှ နောက်ပိုင်းကာလတစ် လျှောက်လုံးသည် ပုဂ္ဂိုလ်တစ်ဦး တည်း၏ ညွှန်ကြားခေါင်းဆောင် မှုအောက်တွင်သာ နေထိုင်ခဲ့ရပါ သည်။ အစိုးရပုံစံသာလျှင်  ပြောင်းချင်ပြောင်းသွားပါမည်။ နိုင်ငံ တော်ကို ခေါင်းဆောင်နေသည်က တော့ လူပုဂ္ဂိုလ်တစ်ဦးတည်းသာ ဖြစ်ပါသည်။ ယခုနောင်လာမည့် နှစ်များတွင်လည်း (စေတနာအ ရာတွင် ကွာခြားကောင်း ကွာခြား မည်ဖြစ်သော်လည်း) ခေါင်း ဆောင်မှုကတော့ တစ်ဦးတစ် ယောက်တည်း၏ ခေါင်းဆောင်မှု ဖြင့် ခရီးဆက်ရမည့် အနေအထား ဖြစ်ပါသည်။
တိုင်းရင်းသားများအနေဖြင့် ထိုသို့သော အခြေအနေတွင် ထို ခေါင်းဆောင်၏ စိတ်စေတနာကို စောင့်မျှော်နေရုံမှတစ်ပါး အခြား မရှိနိုင်တော့ချေ။ လက်ရှိအစိုးရ နှင့် တပ်မတော်သည် တစ်ခုတည်းမဟုတ်သော အချက် တစ်ချက်သာလျှင် တိုင်းရင်းသားများအတွက် သက်သာရာသက်သာကြောင်း ဖြစ်နေပါသည်။ လက်ရှိကျင့်သုံးနေသော ၂၀၀၈ ဖွဲ့စည်းပုံ အခြေခံဥပဒေသည် တိုင်းရင်းသားများအဖို့ နိုင်ငံ့အာဏာကို ရယူရန် ဘယ်လိုနည်းနှင့် မျှ မဖြစ်နိုင်အောင် တားဆီးထားသည်။ နိုင်ငံ့အာဏာမဆိုထားနှင့် မိမိဒေသ မိမိပြည်နယ်၏ အာဏာကိုပင် ရွေးကောက်ပွဲတွင် မည်မျှနိုင်နိုင် ရယူခွင့် လုံးဝမရှိပါ။ နေပြည်တော်ရှိ ပြည်မပါတီကြီးတစ်ခုခု ၏ လက်ဝေခံမဖြစ်ဘဲ မိမိပြည် နယ်တွင် ဝန်ကြီးချုပ်ဖြစ်ရန် အ ကြောင်းမရှိပါချေ။ လွတ်လပ်ရေး ရရှိသည်မှစ၍ အစိုးရအဆက် ဆက်က အစဉ်အလာအရ ရှမ်း ပြည်နယ်အကြီးအကဲအား ရှမ်း ပြည်နယ်သားများကိုသာ ခန့်အပ် ခဲ့သော်လည်း ယခုရှမ်းပြည်နယ် ဝန်ကြီးချုပ်အဖြစ် တိုင်းဒေသကြီး တစ်ခုမှ မြေပြန့်သားတစ်ဦးအား ခန့်အပ်ခဲ့ခြင်းကိုကြည့်လျှင် ပြည် နယ်များ၏ အခွင့်အရေးဆုံးရှုံးမှု ကို မြင်တွေ့နိုင်ပါသည်။
တိုင်းရင်းသားအချင်းချင်း ပြန်လည်ရင်ကြားစေ့ရေး (သို့ မဟုတ်) ပြန်လည်သင့်မြတ်ရေး ကို ဆောင်ရွက်ရန် ယခုအစိုးရ သစ်၏ အစီအစဉ်ကို တိုင်းရင်း သားအတော်များများက စောင့် ကြည့်နေကြပါသည်။ ပြီးခဲ့သော အစိုးရ၏ ဆောင်ရွက်ချက်ဖြစ် သည့် ‘‘ပြည်ထောင်စု ငြိမ်းချမ်း ရေးညီလာခံ’’အား ဆက်လက် သယ်ဆောင်သွားမည်လား၊ မသွားဘူးလား။ မည်သူမျှ မသိနိုင်သေး သည့် အခြေအနေတွင် ရှိနေဆဲ ဖြစ်ပါသည်။ ယခုအစိုးရသစ်အ တွက် ဟန်နီးမွန်းကာလ ရက်တစ် ရာကို ကြည့်လိုက်လျှင်လည်း ပထမဆုံးလတွင်ပင် တရားဝင်ရုံး ပိတ်ရက် ၁၂ ရက် နှစ်ရက်ပြန်ဖွင့် ပြီး နောက်ထပ် နှစ်ရက်ပြန်ပိတ်ခဲ့ ရာ ၁၆ ရက်ခန့် အချိန်ကုန်သွား သည်မှာလည်း အလွန်နှမြောစရာ ကောင်းခဲ့ပါသည်။
မြန်မာ့ငြိမ်းချမ်းရေး၊ ဖွံ့ဖြိုး ရေးအတွက် အဖြေသည်မရှိ မဟုတ်။ ရှိကို ရှိနေသည်ဟု ယုံ ကြည်မိပါသည်။ ရှာဖွေလျှင် တွေ့ ကိုတွေ့နိုင်ပါသည်။ ညှိနှိုင်းတိုင်ပင် ဆွေးနွေးတတ်သော ခေါင်း ဆောင်များသာ လိုပါသည်။ ‘‘မျိုး ချစ်စိတ်ထက် နိုင်ငံချစ်စိတ်ကို ပိုမိုဦးစားပေးသော ခေါင်းဆောင် များသာ လိုအပ်ပါသည်။ နိုင်ငံ ချစ်စိတ်ကို ပိုမိုဦးစားပေးသော အဖွဲ့အစည်းခေါင်းဆောင်များ၊ ပါတီခေါင်းဆောင်များ၊ လူမျိုးစု ခေါင်းဆောင်များ၊ တပ်ခေါင်း ဆောင်များသာ လိုအပ်နေပါ သည်’’ အဖွဲ့အစည်းဆိုရာတွင် အစိုးရအဖွဲ့အစည်းများကိုပါ ထည့်သွင်းရည်ညွှန်းခြင်းဖြစ်ပါ သည်။
အကယ်၍သာ မိမိအဖွဲ့အ စည်း၊ မိမိလူမျိုးစု၊ မိမိပါတီ၊ မိမိ တပ်ကိစ္စများကိုသာ အဓိကထား ဦးစားပေးနေမည်ဆိုလျှင် ကျွန် တော်တို့ တိုင်းပြည်သည် အမျိုး သားပြန်လည်ရင်ကြားစေ့ရေးကို ပြန်လည်ထူထောင်ဖို့ရာ အတော် ကြီးကို ခက်ခဲနေဦးမည်ဖြစ်ပါ သည်။ မိမိအဖွဲ့အစည်း၊ မိမိလူ မျိုးစု၊ မိမိပါတီကိစ္စများကို အဓိက မထားဘဲ ပြည်ထောင်စုကြီး၏ အခက်အခဲပြဿနာကိုသာ ဦးစား ပေး ဆွေးနွေးကြမည်ဆိုမှသာ အောင်မြင်နိုင်ဖွယ်ရှိပါသည်။ မိမိ အဖွဲ့အစည်း၊ မိမိလူမျိုး၊ မိမိပါတီ၊မိမိတပ်ကို ချစ်သောစိတ်ထက် နိုင်ငံတော်ကို ပိုမိုချစ်မြတ်နိုးသော စိတ်ဓာတ်များဖြင့်သာလျှင် တည် ဆောက်နိုင်မည်ဖြစ်သည်။
7Days Daily (Issue No. 1117 Thursday, June 12, 2016)

No comments:

Post a comment