အရပ်ဘက်- အရပ်ဘက်ဆက်ဆံရေ

၂၀၁၆ ဇွန်လအတွင်းမှာနိုင်ငံရေးနဲ့ ဆက်နွှယ်နေ တဲ့ ပွဲသုံးပွဲကို ကျွန်တော် ရောက်ခဲ့ပါတယ်။ တောင်ကြီးမှာ ကျင်းပခဲ့တာက ငြိမ်းချမ်းရေးအတွက် နည်းလမ်းရှာခြင်း နှီးနှောဖလှယ်ပွဲပါ။ အဲဒီပွဲမှာ ရှမ်းပြည်နယ်မှာရှိတဲ့ နိုင်ငံရေးပါတီတွေအားလုံးကို ဖိတ်ကြားပြီး ကျင်းပခဲ့ကြတာ ဖြစ်ပါတယ်။ နောက်တစ်ပွဲကတော့ လားရှိုးမှာကျင်းပတဲ့ ရှမ်းပြည်ပူး ပေါင်းဆောင်ရွက်ရေးကော်မတီ (SSJAC) နှစ် ၂၀ ပြည့်အထိမ်းအမှတ်ပွဲပါ။ အဲဒီပွဲကတော့ အထိမ်းအမှတ်ပွဲသက်သက်ပဲ ဖြစ်ပါတယ်။ နောက်တစ်ပွဲက တော့ နိုင်ငံရေး အကျဉ်းသားဟောင်းများအဖွဲ့က ဦးစီးကျင်းပခဲ့တဲ့ အမျိုးသားပြန်လည်ရင်ကြားစေ့ရေးနှင့် ၂၁ ရာစုပင်လုံညီလာခံ ဖိုရမ်ပွဲပါ။ အဲဒီပွဲကို ပြည်မြို့မှာ ကျင်းပခဲ့တာပါ။

ပြောခဲ့တဲ့ ပွဲတွေမှာ ကျွန် တော်သတိထားမိတဲ့အချက်က တော့ အနိုင်ရနိုင်ငံရေးပါတီကြီး ထဲက ကျွန်တော်တို့နဲ့ ရင်းနှီးပြီး သား မိတ်ဆွေတွေ ပွဲကိုတက် ရောက်မလာကြတာ ဖြစ်ပါတယ်။ တကယ်ဆို ကျွန်တော်ပြောခဲ့တဲ့ အဲဒီနိုင်ငံရေးပွဲတွေမှာ ဆုံးဖြတ် ချက်တွေ၊ ကတိပြုချက်တွေ၊ ထုတ်ပြန်ကြေညာချက်ထုတ်တာ တွေ မရှိပါဘူး။ ပြောရရင်တော့ နိုင်ငံရေးပါတီတွေအဖို့ သိပ်အ ရေးကြီးလှတဲ့ပွဲတွေမဟုတ်ပါ ဘူး။ ပွဲလာတက်တဲ့အတွက် အမှား အယွင်းတစ်စုံတစ်ရာဖြစ်စရာမရှိ တဲ့ ပွဲမျိုးဖြစ်ပါတယ်။ ဒါပေမဲ့ ကျွန်တော်တို့ မိတ်ဆွေရင်းတွေ ဖြစ်တဲ့ အနိုင်ရပါတီက မိတ်ဆွေ တွေက ဘာကြောင့်ရှောင်ထွက် ပြီး ရောက်မလာကြတာလဲဆိုတာ စဉ်းစားစရာဖြစ်ခဲ့ပါတယ်။ အဲဒါ နဲ့ပဲ နီးစပ်ရာနိုင်ငံရေးအသိုင်းအ ဝိုင်းက မိတ်ဆွေတွေ၊ အပေါင်း အသင်းတွေကို လက်လှမ်းမီသ လောက် မေးကြည့်လိုက်တော့မှ သူတို့ဒေသတွေမှာလည်း ကျွန် တော်ကြုံခဲ့ရသလိုမျိုး သူတို့လည်းကြုံခဲ့ရတယ်လို့ ပြောလာကြပါ တယ်။

တကယ်ဆို ကျွန်တော်တို့နဲ့ အနိုင်ရပါတီကြီးက မိတ်ဆွေတွေ ဟာ အငြင်းပွားစရာ၊ အတိုက်အ ခံပြုစရာ ဘာမှမရှိခဲ့ပါဘူး။ လက် ရှိမှာလည်း ဘာမှရှိမထားပါဘူး။ အရင်တုန်းကလိုပဲ ခင်ခင်မင်မင် ရှိစမြဲရှိနေခဲ့ကြတာ ဖြစ်ပါတယ်။ အခုတော့ ပြောနေတာတွေက ဘယ်လောက်မှန်တယ်ဆိုတာ ကျွန်တော်သိပ်တော့ မသိပါဘူး။ ကြားနေရတာတွေကတော့ အဲဒီ ပွဲတွေတက်ဖို့ ဖိတ်ခံရရင် အထက်ကို ခွင့်ပြုချက်တောင်းပြီး ခွင့်ပြု ချက်ရမှ တက်ရတယ်လို့ ပြောနေ ကြပါတယ်။ အဲဒီအချက်ကို လူအ တော်များများပြောနေကြပေမယ့် ကျွန်တော်ကတော့ မယုံကြည်ပါ ဘူး။ မယုံကြည်ပေမယ့်လည်း စိတ်ပူပန်မှုရှိလို့ အခုဆောင်းပါးကို ကျွန်တော်ရေးခြင်းဖြစ်ပါ တယ်။

စဉ်းစားကြည့်ပေါ့။ မြို့နယ် တစ်ခုတည်းမှာ အတူနေကြတဲ့ မိတ်ဆွေ နိုင်ငံရေးပါတီအချင်း ချင်းလုပ်တဲ့ပွဲတွေကို တက်ဖို့ရာ အတွက် အထက်ကိုခွင့်တောင်းရ တယ်ဆိုတာ ဒီမိုကရေစီပါတီကြီး မှာ ဘယ်လိုလုပ်ဖြစ်နိုင်ပါ့မလဲ ဗျာ။ အတိုက်အခံဘဝ အနိုင်ရ ပါတီကြီးမဖြစ်ခင်တုန်းကတောင် မှ မလိုခဲ့ဘဲ အခုအာဏာရပါတီ ကြီးဖြစ်တော့မှ လိုအပ်တယ်ဆို တာ လုံးဝကို မဖြစ်နိုင်တာပါ။ ဒါ ပေမဲ့ လူပြောသူပြောကတော့ အ တော်ကို များနေခဲ့ပါပြီ။

ကျွန်တော်တို့ဟာ အရပ် ဘက်၊ စစ်ဘက်ဆက်ဆံရေး ကောင်းမွန်ဖို့ ကြိုးပမ်းနေတဲ့ကာ လကို သဘောပေါက်နားလည် ပေးရမှာ ဖြစ်ပါတယ်။ အောင်မြင် အောင်လည်း ဝန်းရံပေးကြရမှာ ဖြစ်ပါတယ်။ အဲဒါနဲ့ တစ်ပြိုင်နက် တည်း မိမိတို့နဲ့ သဘောထားတူ ညီကြတဲ့ မိတ်ဖက်အဖွဲ့အစည်း တွေနဲ့ ဝင်ထွက်သွားလာ တိုင်ပင် နေကြရမှာ ဖြစ်ပါတယ်။ မိမိနဲ့ ရပ်တည်ချက်ချင်းတူညီတဲ့ အဖွဲ့ အစည်းအချင်းချင်း မဆက်ဆံရင် အခြားဘယ်သူနဲ့မှ ဆက်ဆံဖို့မရှိ နိုင်တော့ပါဘူး။

အခုအချိန်မှာ ရန်သူကို တောင်မှ မိတ်ဆွေလုပ်နိုင်တဲ့ အ ခြေအနေဖြစ်ပါတယ်။ အမျိုးသား ပြန်လည်ရင်ကြားစေ့ရေးကို လုံး ပမ်းနေကြတဲ့အချိန်လည်းဖြစ်ပါ တယ်။ တစ်ဦးနဲ့တစ်ဦး၊ တစ်ဖွဲ့နဲ့ တစ်ဖွဲ့ အတတ်နိုင်ဆုံး ရိုင်းပင်း ကူညီကြရမှာဖြစ်သလို တစ်ဦး တစ်ဖွဲ့စီရဲ့ သဘောထားတွေ၊ အယူအဆတွေကို လေးလေးစား စား လေ့လာသုံးသပ်ရမယ့်အချိန် ကာလလည်းဖြစ်ပါတယ်။

အခုလိုအချိန်ကျမှ ပွဲတွေ ဖိတ်ကြားတာတောင် မဝင်၊ မထွက်ဘဲ ခပ်စိမ်းစိမ်းနေကြရ မယ့် အချိန်လည်း မဟုတ်တော့ ပါဘူး။ ကောင်းမွန်သင့်မြတ်တဲ့ ဆက်ဆံရေးတွေ ထူထောင်ရမယ့် ကာလဖြစ်ပါတယ်။ တကယ်ဆို ရင် မြို့နယ်တွေက ပွဲတွေမှာ အ ရင်တုန်းကလုပ်ခဲ့သလိုမျိုးကို အ နိုင်ရပါတီအနေနဲ့ဆက်လက်ပြီး ဦးဆောင်နေရမှာ ဖြစ်ပါတယ်။ အခုလို ကိုယ်ရောင်ဖျောက်နေလို့ မရပါဘူး။ အနိုင်ရပါတီ၊ အာဏာ ရပါတီဆိုတဲ့ ဂုဏ်ကိုထိန်းသိမ်းပြီး မိမိမြို့နယ်ထဲမှာ ဆက်လက်ပြီး ဦးဆောင်နေရမှာပဲဖြစ်ပါတယ်။ ဒါမှလည်း ကိုယ့်ကိုအားပေးခဲ့တဲ့ မဲဆန္ဒရှင်ပြည်သူတွေနဲ့လည်း အ ဆက်မပြတ်တွေ့ဆုံနေမှာ ဖြစ်ပါ တယ်။

အနိုင်ရခဲ့ပြီး အာဏာရပါတီ ကြီးဖြစ်လာတဲ့အခါမှာ အတိုက် အခိုက်ဆိုတာတွေကတော့ မလွဲ မသွေရှိနေမှာပါ။ ဒါတွေကိုတော့ ရှောင်လွှဲလို့လည်း မရနိုင်ပါဘူး။ ဒါတွေကို ရှောင်ကြဉ်နေရင်လည်း အလုပ်ဖြစ်မှာ မဟုတ်ပါဘူး။ အ ရေးကြီးတာက ကိုယ့်ဘက်က ‘တာ’ကို လုံအောင်ထိန်းနိုင်ဖို့ပဲ ဖြစ်ပါတယ်။ ကိုယ့်တာလုံနေ သရွေ့ ဘယ်သူမှ အပြစ်ပြောလို့ မရပါဘူး။

တကယ်ဆိုရင် ပုပ်သိုးဆွေး မြည့်နေတဲ့ အမှိုက်ပုံကြီးကို ရှင်း လင်းရသလို အတော်ကြီးကို ခက် ခဲတဲ့ ပြုပြင်ပြောင်းလဲရေးလုပ် ငန်းကြီးကို လုပ်နေရတာမို့ ကျွန် တော်တို့ အပြစ်တင်လို့မရပါဘူး။ သို့သော်လည်း အနိုင်ရပါတီအ နေနဲ့ လွှတ်တော်နဲ့ အစိုးရအဖွဲ့ တွေမှာ မပါဝင်ရတဲ့ ပါတီဝင်တွေ ဟာ သူတို့နဲ့ဆိုင်တဲ့ ဒေသအသီး သီးတွေမှာ ကျန်နေကြတာပါ။ မကြာခင်လာတော့မယ့် ၂၁ ရာစု ပင်လုံညီလာခံအတွက် ပြည်သူ တွေဆီကဖြစ်ဖြစ်၊ သူတို့နဲ့နီးစပ် ရာ ပါတီတွေ၊ အဖွဲ့အစည်းတွေ ဆီက အမြင်တွေကို နားထောင်ဖို့ လိုသလို ပါတီအပေါ်ပိုင်းက ပေါ် လစီတွေကိုလည်း ရှင်းပြနေရမှာ ဖြစ်ပါတယ်။ ဦးဆောင်ပါတီကြီး အနေနဲ့ မားမားမတ်မတ်ရပ်တည် နေရမှာ ဖြစ်ပါတယ်။ အစိုးရနဲ့ လွှတ်တော်တွေမှာ ဦးဆောင်မှု ပေးနေသလို ဆိုင်ရာမြို့နယ်တွေ မှာလည်း ဦးဆောင်မှုပေးနိုင်ရမှာ ဖြစ်ပါတယ်။

 နိုင်ငံတော် တည်ဆောက် ရေးဆိုတာ တစ်ဦးတစ်ယောက် တည်း၊ တစ်ဖွဲ့တည်းက ဆောင် ရွက်နိုင်တဲ့ကိစ္စတွေ မဟုတ်ပါဘူး။ အဖွဲ့အစည်းအားလုံးကို တတ်နိုင် သမျှ စည်းရုံးသိမ်းသွင်းပြီး လက် တွဲဆောင်ရွက်မှသာ အောင်မြင် နိုင်မှာ ဖြစ်ပါတယ်။ အသီးသီး သော အဖွဲ့အစည်းတွေကနေတစ် ဆင့် ပြည်သူတွေကို လမ်းပြရှေ့ ဆောင်ရမှာ ဖြစ်ပါတယ်။

ကျောင်းသားခေါင်းဆောင် မင်းကိုနိုင်ပြောသလို ရေဆန်ခရီး မှာ လှော်တက်ပဲရမယ်ဆိုသလိုပဲ ‘လှော်တက်’တောင်းချင်တဲ့လူ တွေ၊  အကူအညီပေးချင်တဲ့လူ တွေက ဒုနဲ့ဒေးပါဗျာ။ အခွင့်အရေး သမားတွေရှိတာမှန်သလို အမှန် အကန်စိတ်စေတနာအရင်းနဲ့ တိုင်းပြည်အတွက် အကူအညီ ပေးချင်တဲ့ ‘လူမှန်’တွေလည်း အ များအပြားရှိနေပါတယ်။ ကိုယ် က အဖွဲ့အစည်းတွေကြားထဲ ဝင် ထွက်ဆက်ဆံနေဖို့ပဲ အရေးကြီး ပါတယ်။

တကယ်ဆို ကျွန်တော့်အနေ နဲ့ ဘာမှဝင်ပြောစရာမရှိပါဘူး။ တခြားဘယ်သူမှလည်း အမုန်းခံ ပြောဆိုသံလည်း မကြားရပါဘူး။ သို့သော်လည်း ကျွန်တော်တို့ ဒီမို ကရေစီဘက်တော်သားပါတီတစ် ခုရဲ့ ဖြစ်ပျက်နေပုံကို ပြန်လည် သုံးသပ်နိုင်အောင် အပြုသဘော ဆောင်ပြီး ဝင်ပြောရခြင်းဖြစ်ပါ တယ်။ အခုလို လူပြောသူပြော များနေတဲ့ကိစ္စသာ အမှန်တကယ် ဖြစ်နေတယ်ဆိုခဲ့ရင် ပဲ့ကိုင်ရှင် များ လမ်းကြောင်းမှန်ပေါ် ပြန် တည့်မတ်နိုင်လိမ့်မယ်လို့လည်း မျှော်လင့်ထားပါတယ်။ မဟုတ် ဘူးဆိုရင်လည်း လွန်တာရှိ ဝန္ဒာမိ ပေါ့။

တစ်ခုတော့ ရှိပါတယ်။ စစ် ဘက်- အရပ်ဘက်ဆက်ဆံရေး အရေးကြီးသလို တစ်ဖက်မှာ လည်း ‘‘အရပ်ဘက်- အရပ်ဘက် ဆက်ဆံရေး’’လည်း အရေးကြီးပါ ကြောင်း တင်ပြလိုက်ရပါတယ်။

7Days Daily (Issue No. 1127 Thursday, June 22, 2016)